ట్రెండింగ్
శ్రీవారి ఆలయం వీడియో తీసింది అతనే
Andhra Pradesh Telugu | Suryaa Desk | Published : Fri, May 12, 2023, 01:36 PM
తిరుమలలో నిబంధనలకు విరుద్ధంగా కెమెరాతో శ్రీవారి ఆలయంలోకి ప్రవేశించి ఆనంద నిలయాన్ని అతిసమీపం నుంచి విడియో తీసిన వ్యక్తిని పోలీసులు అదుపులోకి తీసుకున్నట్టు సమాచారం అందింది. ఆదివారం అర్ధరాత్రి కెమెరాలో చిత్రీకరించిన విడియో సోషల్‌మీడియాలో వైరల్‌గా మారిన విషయం తెలిసిందే. ఈ ఘటనలో కరీంనగర్‌ సమీపంలోని శేషపట్నానికి చెందిన ఓ చార్టెడ్‌ అకౌంటెంట్‌ను అదుపులోకి తీసుకున్నట్టు సమాచారం. అతన్ని తిరుమలకు తీసుకువచ్చి ఏ కెమెరాతో వీడియో తీశాడు, తనిఖీలను దాటి ఎలా ఆలయంలోకి ప్రవేశించాడు, వీడియో తీయడానికి ప్రధాన కారణాలు ఏమిటనే అంశాలపై దర్యాప్తు పూర్తిచేసి అరెస్టు చూపనున్నట్టు తెలుస్తోంది.
|
|