పవర్లిఫ్టింగ్ చాంపియన్షిప్ ప్రారంభం
Andhra Pradesh Telugu | Suryaa Desk | Published : Sun, May 21, 2023, 11:43 AM
పవర్లిఫ్టింగ్ ఇండియా, క్విక్ ఫిట్నెస్ ఎరీనా సంయుక్త నిర్వహణలో 10వ ఆంధ్రప్రదేశ్ రాష్ట్ర జూనియర్, సబ్జూనియర్ క్లాసిక్ పవర్లిఫ్టింగ్ బెంచ్ప్రెస్ చాంపియన్షిప్ -2023 (క్లాసిక్) శనివారం ఇక్కడ ఘనంగా ప్రారంభమమైంది. ఏపీ పవర్లిఫ్టింగ్ అసోసియేషన్ ఉపాధ్యక్షుడు గుమ్మడి పుల్లేశ్వరరావు జ్యోతిప్రజ్వలన చేయగా, మున్సిపల్ చైర్పర్సన్ సయ్యద్ ఖలేదా నసీమ్, గుంటూరు జిల్లా బీజేపీ అధ్యక్షుడు పాటిబండ్ల రామకృష్ణ బరువులనెత్తి లాంఛనంగా పోటీలను ఆరంభించారు. గంగానమ్మపేటలోని జెట్టి అమ్మయ్య నాగభూషణం సదన్లో పోటీల ప్రారంభ సభకు అధ్యక్షత వహించిన అసోసియేషన్ రాష్ట్ర అధ్యక్షుడు మద్ది ప్రభాకరరావు మాట్లాడుతూ పవర్లిఫ్టింగ్లో ఆంధ్రప్రదేశ్ క్రీడాకారులు సాధిస్తున్న విజయాలు అమోఘమని చెప్పారు. అంతర్జాతీయ పోటీల్లో నాలుగు బంగారు పతకాలను సాధించిన తెనాలి పవర్లిఫ్టర్ ఘట్టమనేని సాయిరేవతి ఆధ్వర్యంలో పవర్లిఫ్టింగ్లో శిక్షణ, ప్రస్తుత పోటీల నిర్వహణ ముదావహమని చెప్పారు. చైర్పర్సన్ ఖలేదా నసీమ్ తన ప్రసంగంలో బరువులెత్తే క్రీడలో అంతర్జాతీయంగా విజయాలను సాధించిన సాయిరేవతి విజయం వెనుక ఆమె తల్లి, అమ్మమ్మల ప్రోత్సాహం, పడిన కష్టం మరువలేనివని చెప్పారు.
|
|