తెలంగాణ ఎంసెట్లో పోలాకి విద్యార్థికి ఐదవ ర్యాంక్
Andhra Pradesh Telugu | Suryaa Desk | Published : Thu, May 25, 2023, 01:27 PM
తెలంగాణలో ఇటీవల జరిగిన ఎంసెట్ పరీక్షల్లో భాగంగా స్థానిక రాష్ట్రానికి చెందిన పలువురు విద్యార్థులు ఉత్తమ ర్యాంకులను సాధించారు. ఈ క్రమంలో పోలాకి మండలం తోటాడ గ్రామానికి చెందిన బోర వరుణ్ చక్రవర్తి ఎంసెట్లో 5వ ర్యాంక్ సాధించాడు. ఐదవ ర్యాంకు సాధించడం పట్ల స్థానికులు విద్యార్థి వరుణ్ చక్రవర్తికి అభినందనలు తెలియజేశారు. చక్రవర్తి తండ్రి బోర రాజేంద్రనాయుడు ఉపాధ్యాయుడుగా నరసన్నపేట ప్రభుత్వ ఉన్నత పాఠశాలలో పనిచేస్తుండగా, తల్లి రాజ్యలక్ష్మి పోలాకి మండలం దీర్ఘాసి ప్రాథమిక పాఠశాలలో ఉపాధ్యాయురాలిగా పనిచేస్తున్నారు. ఈ సందర్భంగా గురువారం వీరు మాట్లాడుతూ ప్రాథమిక విద్య ఒకటవ తరగతి నుండి ఏడవ తరగతి వరకు నరసన్నపేటలోని రవీంద్ర భారతి స్కూల్లో చక్రవర్తి అభ్యసించాడని, అటు తర్వాత విద్య అంతా చైతన్య కళాశాలలో కొనసాగిందని వారు తెలిపారు. స్థానిక రాష్ట్రంలో కూడా ఎంసెట్ పరీక్షలు రాశాడని ఇక్కడ కూడా తన ప్రతిభను చాటుకుంటాడన్న నమ్మకం ఉందని వారు తెలియజేశారు.
|
|