శ్రీశైలం లో పులి , భయాందోళనలో ప్రజలు
Andhra Pradesh Telugu | Suryaa Desk | Published : Wed, Jun 14, 2023, 04:02 PM
ప్రముఖ పుణ్యక్షేత్రం శ్రీశైలం ఆలయ సమీపంలో పెద్ద పులి సంచారం కలకలం రేపుతోంది. శ్రీశైలం సాక్షిగణపతి ఆలయం సమీపంలో పెద్దపులి సంచరిస్తున్నట్లు భక్తులు గుర్తించారు. గత రాత్రి పెద్దపులి సాక్షిగణపతి ఆలయం వద్ద పెద్దుపులి రోడ్డు దాటుతూ భక్తులకు కనిపించింది. పెద్దపులిని చూసిన స్థానికులు, భక్తులు తీవ్ర భయాందోళనకు గురయ్యారు. కమాండర్ జీపులో శ్రీశైలం వెళ్తున్న స్థానికులకు రోడ్డు దాటుతూ పులి తారసపడింది. పెద్దపులి సంచరిస్తుండగా పలువురు వీడియో తీసి సోషల్ మీడియాలో పోస్ట్ చేశారు. ప్రస్తుతం పులిసంచారం సోషల్ మీడియాలో వైరల్గా మారింది. పులిని చూసిన పలువురు యాత్రికులు భయభ్రాంతులకు గురవగా.. మరికొందరు మాత్రం రియల్గా పులిని చూసినందుకు వీడియోలు చిత్రీకరిస్తూ ఎంజాయ్ చేశారు. విషయం తెలిసిన అధికారులు భక్తులకు హెచ్చరికలు జారీ చేశారు. రాత్రుల సమయాలలో శ్రీశైలం ఘాట్ రోడ్డులో ప్రయాణించే భక్తులు అప్రమత్తంగా ఉండాలని అధికారులు సూచనలు చేశారు.
|
|