ట్రెండింగ్
సొరకాయలపాళెంలో ఘనంగా గంగజాతర
Andhra Pradesh Telugu | Suryaa Desk | Published : Thu, Jun 15, 2023, 10:50 AM
తిరుపతి జిల్లా చంద్రగిరి నియోజకవర్గం రామచంద్రాపురం మండలం, సొరకాయలపాళెంలో బుధవారం గంగ జాతర ఉత్సవాన్ని గ్రామస్తులు ఘనంగా నిర్వహించారు. ఈ సందర్భంగా తెలుగుదేశం పార్టీ చిత్తూరు పార్లమెంటరీ అధ్యక్షుడు, చంద్రగిరి నియోజకవర్గ ఎమ్మెల్యే అభ్యర్థి పులివర్తి నాని సతీమణి పులివర్తి సుధారెడ్డి అమ్మవారికి సారె సమర్పించారు. స్థానిక తెలుగుదేశం పార్టీ నాయకులు ఆమెకు ఘన స్వాగతం పలికారు. పులివర్తి సుధారెడ్డి అమ్మవారికి ప్రత్యేక పూజలు నిర్వహించారు. అర్చకులు అమ్మవారి తీర్థప్రసాదాలు అందజేశారు. సకాలంలో వర్షాలు కురిసి పాడిపంటలతో గ్రామస్తులు సంతోషంగా ఉండాలని ఆకాంక్షించారు. గ్రామాన్ని దుష్టశక్తుల నుంచి రక్షించాలని అమ్మవారిని వేడుకున్నారు.
|
|