కుప్పం లో పేలుడు , కారణం ఏమిటో...?
Andhra Pradesh Telugu | Suryaa Desk | Published : Mon, Jun 26, 2023, 04:04 PM
చిత్తూరు జిల్లాలోని కుప్పం పట్టణంలోని కొత్తపేటలో భారీ పేలుడు సంభవించింది. ఓ ఇంటి ముందు భారీ శబ్దాలతో పేలుడు జరిగింది. ఈ ఘటనలో ఇంట్లో నిద్రిస్తున్న మురుగేషన్, ధనలక్ష్మి దంపతులకు తీవ్రగాయాలయ్యాయి. మరో ఇద్దరి పిల్లలకు ముప్పు తప్పింది. తెల్లవారుజూమున నాలుగు గంటల ప్రాంతంలో ఈ ఘటన జరిగినట్లు స్థానికులు చెబుతున్నారు. ఈ భారీ పేలుడు థాటికి ఇంటి ముందు భాగం, కిటికీలు, తలుపులు ధ్వంసమయ్యాయి. పేలుడుతో స్థానికులు భయంతో పరుగులు తీశారు. స్థానిక సమాచారం మేరకు ఘటనాస్థలికి చేరుకున్న పోలీసులు పేలుడుకు గల కారణాలపై ఆరా తీస్తున్నారు.గుర్తు తెలియని వ్యక్తులు ఇంటి గుమ్మం దగ్గర నాటు బాంబు పేల్చినట్లుగా స్థానికులు అనుమానిస్తున్నారు. గాయపడిన దంపతులను స్థానికులు సమీపంలోని ఆస్పత్రికి తరలించి చికిత్స అందిస్తున్నారు. ఆ ఇద్దరి పరిస్థితి విషమంగా ఉందని వైద్యులు వెల్లడించారు. అయితే ఈ పేలుడుపై పోలీసులు, స్థానికులు పలు అనుమానాలు వ్యక్తం చేస్తు్న్నారు. కుప్పంలో ఇళ్ల మధ్య ఇలా భారీ పేలుడు సంభవించడంతో స్థానికంగా ఈ ఘటన తీవ్ర కలకలం రేపుతోంది.
|
|