జిల్లాస్థాయి యువజనోత్సవాలు 2023 పోస్టర్ని ఆవిష్కరించిన జడ్పీ చైర్మన్
Andhra Pradesh Telugu | Suryaa Desk | Published : Thu, Jun 29, 2023, 01:36 PM
జిల్లా పరిషత్ చైర్మన్ వారి కార్యాలయంలో జిల్లా పరిషత్ చైర్మన్ మజ్జి శ్రీనివాసరావు (చిన్న శ్రీను) యువజనోత్సవాల పోస్టర్ గురువారం ఆవిష్కరించారు. ఈ సందర్బంగా ఆయన మాట్లాడుతూ యువతలో ప్రతిభను ప్రోత్సహించేందుకు భారత ప్రభుత్వం కేంద్ర యువజన వ్యవహారాలు మరియు క్రీడా మంత్రిత్వ శాఖ నెహ్రూ యువ కేంద్ర మరియు ఎం ఆర్ కళాశాల కళాశాల కోట సంయుక్త ఆధ్వర్యములో ఎం ఆర్ ఎడ్యుకేషన్ కళాశాల సెమినార్ హాల్లో ఈ నెల 30న ఉదయం 9. 30 గంటలకు నిర్వహిస్తున్నారని తెలిపారు.
భారత దేశం 2047 అనే థీమ్ తో సృజనాత్మక రచన, కవిత్వం, చిత్రలేఖనం, మొబైల్ ఫోటోగ్రఫీ, ఉపన్యాసం, సాంస్కృతిక /జానపద కళలు వంటి అంశాలపై యువ ఉత్సవ్ నిర్వహించనున్నట్లు పేర్కొన్నారు. ఈ కార్యక్రమంలో జడ్పీటీసీ సభ్యురాలు వరలక్ష్మి, ఎంపీపీ సతీష్, ఎన్ వై కె జిల్లా యువ అధికారి ఉజ్వల్, పరిపాలన అధికారి వి పృథ్వి పాల్గొన్నారు. వివరాలకు నెహ్రూ యువ కేంద్ర కార్యాలయంలో 7037485273 నందు సంప్రదించాలన్నారు.
|
|