రోడ్డు ప్రమాదంలో యువకుడు మృతి
Andhra Pradesh Telugu | Suryaa Desk | Published : Tue, Jul 04, 2023, 12:22 PM
కడప జిల్లా, మదనపల్లె మండలం సీటీఎం రోడ్డులో రెండు ద్విచక్రవాహనాలు ఢీ కొనడంతో ఓ యువకుడు మృతి చెందాడు. సోమవారం నిమ్మనపల్లె మండలం గారబురు జుకు చెందిన డి.వీరప్ప కుమారుడు డి.శివకుమార్‌(33) సొంత పనిమీద గారబురుజు నుంచి సీటీఎంకు వెళుతుండగా మార్గమధ్యంలో ఎదురుగా వస్తున్న స్కూటర్‌ వేగంగా వచ్చి శివ కుమార్‌ ద్విచక్రవాహనాన్ని ఢీకొన్నాడు. ఈ ఘటనలో అతను అక్కడికక్కడే మృతి చెందాడు. కాగా ఈ ప్రమాదం జరిగిన సమయంలోనే అటుగా వస్తున్న ఆటో, రోడ్డుపై పడిపోయిన ద్విచక్రవాహనాలను తప్పించబోయి రోడ్డుపక్కన కాలువలో బోల్తా పడింది. ఆటోలో తంబళ్లపల్లె నుంచి నిమ్మనపల్లె మండ లం బండ్లపై గ్రామానికి వెళుతున్న పనులకు వెళుతున్న కూలీలు గాయపడ్డారు. క్షతగాత్రులను మదనపల్లె జిల్లా వైద్యశాలకు తరలించారు. శివకుమార్‌ మృతదేహాన్ని పోస్టుమార్టం నిమిత్తం జిల్లా వైద్యశాలకు తరలించారు. కాగా రోడ్డు ప్రమాద విషయం తెలుసుకున్న మదనపల్లె టీడీపీ ఇనచార్జి, మాజీ ఎమ్మెల్యే దొమ్మలపాటి రమేశ శివకుమార్‌ మృతదేహాన్ని పరిశీలించి, ఆయన కుటుంబీకులను ఓదార్చారు. ప్రభుత్వాస్పత్రి వద్ద శివకుమార్‌ బందువులు రోధన వర్ణణాతీతంగా మారింది.
|
|