ట్రెండింగ్
అలర్ట్.. నేడు ఈ జిల్లాల్లో వర్షాలు
Andhra Pradesh Telugu | Suryaa Desk | Published : Sun, Jul 09, 2023, 08:41 AM
నేడు ఏపీలోని పలు జిల్లాల్లో మోస్తరు వర్షాలు కురుస్తాయని విపత్తు నిర్వహణ సంస్థ తెలిపింది. పార్వతీపురం మన్యం, అల్లూరి సీతారామరాజు, చిత్తూరు, అన్నమయ్య జిల్లాల్లో తేలికపాటి నుండి మోస్తరు వర్షాలు కురిసే అవకాశం ఉందని తెలిపింది. ఈదురుగాలులతో వర్షాలు కురుస్తాయని పేర్కొంది. కాగా, రాష్ట్రంలో ఈ ఏడాది వర్షాలు ఆలస్యంగా ప్రారంభమవడంతో రైతులు ఆలస్యంగా సాగును ప్రారంభించారు.
ఉత్తర భారతదేశంలోని పలు రాష్ట్రాల్లో భారీ వర్షాలు కురుస్తున్నాయి. పలు ప్రాంతాల్లో రహదారులు జలమయం అయ్యాయి. వరదలు బీభత్సం సృష్టిస్తున్నాయి. ఆదివారం కూడా భారీ వర్షాలు కురిసే అవకాశం ఉండటంతో భారత వాతావరణ శాఖ ఎల్లో అలర్ట్ జారీ చేసింది. ఢిల్లీ, రాజస్థాన్, హరియాణా, జమ్ముకశ్మీర్, ఉత్తరప్రదేశ్, పంజాబ్‌లలో భారీ వర్షాలు కురిసే అవకాశం ఉంది.
|
|