పవన్ కళ్యాణ్తో త్వరలోనే భేటీ ,,,దగ్గుబాటి పురందేశ్వరి
Andhra Pradesh Telugu | Suryaa Desk | Published : Wed, Jul 19, 2023, 06:25 PM
జనసేన పార్టీ అధినేత పవన్ కళ్యాణ్తో త్వరలోనే సమావేశమవుతానని బీజేపీ నాయకురాలు దగ్గుబాటి పురందేశ్వరి అన్నారు. ఈ మేరకు బుధవారం విజయవాడలోని బీజేపీ కార్యాలయంలో ఆమె మీడియాతో మాట్లాడారు. ఆంధ్రప్రదేశ్‌లో ఉన్నన్ని కోర్టు ధిక్కార కేసులు మరే ఇతర రాష్ట్రంలోనూ లేవని భారతీయ జనతా పార్టీ (బీజేపీ) రాష్ట్ర అధ్యక్షురాలు దగ్గుబాటి పురందేశ్వరి అన్నారు. ఆర్థిక వ్యవహారాల్లో జగన్ సర్కారును కేంద్ర ప్రభుత్వం ఎప్పటికప్పుడు హెచ్చరిస్తూనే ఉందని చెప్పారు. ఈ మేరకు విజయవాడలోని పార్టీ కార్యాలయంలో నిర్వహించిన మీడియా సమావేశంలో దగ్గుబాటి పురందేశ్వరి మాట్లాడుతూ.. త్వరలోనే జనసేన పార్టీ అధినేత పవన్ కళ్యాణ్తో భేటీ అవుతానని దగ్గుబాటి పురందేశ్వరి చెప్పారు.
వచ్చే ఎన్నికల్లో పొత్తులపై బీజేపీ అధిష్టానం సరైన సమయంలో నిర్ణయం తీసుకుంటుందని దగ్గుబాటి పురందేశ్వరి చెప్పారు. క్షేత్ర స్థాయి నుంచి పార్టీని బలోపేతం చేసేందుకు చర్యలు చేపడుతున్నామని తెలిపారు. త్వరలోనే తాను జోన్ల వారీగా పర్యటించి నేతలు, కార్యకర్తలతో సమావేశం అవుతానని చెప్పారు.
ఆంధ్రప్రదేశ్‌ని ఆర్థిక పరిస్థితిని కేంద్ర ఆర్థిక మంత్రి దృష్టికి తీసుకెళ్తామని పురందేశ్వరి తెలిపారు. నాలుగేళ్లలో జగన్ ప్రభుత్వం రూ. 7.14 లక్షల కోట్ల మేర అప్పు చేసిందని చెప్పారు. రాష్ట్రంలో అనధికార అప్పులే రూ. 4 లక్షల కోట్లకుపైగా ఉన్నాయని పేర్కొన్నారు. దీనిపై రాష్ట్ర ప్రభుత్వం శ్వేతపత్రం విడుదల చేయాలని పురందేశ్వరి డిమాండ్‌ చేశారు.
|
|