మొత్తం తొమ్మిది స్టేషన్‌లలో హాల్ట్‌లు

ఏపీలో రైలు ప్రయాణికులకు శుభవార్త. సుదూర ప్రాంతాలకు వెళ్లే పలు రైళ్లను రాష్ట్రంలో మరో 9 రైల్వే స్టేషన్లలో ఆపాలని రైల్వే శాఖ నిర్ణయం తీసుకుంది. ఎంతో కాలంగా ప్రయాణికుల నుంచి వస్తున్న డిమాండ్‌పై కేంద్ర రైల్వే శాఖ సానుకూలంగా నిర్ణయం తీసుకుంది. రాష్ట్రంలోని పిడుగురాళ్ల, సత్తెనపల్లి, నడికుడి, సూళ్లూరుపేట, పీలేరు, కుప్పం, బొబ్బిలి, దువ్వాడ, డోర్నకల్ రైల్వే స్టేషన్లలో పలు రైళ్లను ఆపాలని నిర్ణయించారు.

విజయనగరం జిల్లా బొబ్బిలి రైల్వే స్టేషన్‌లో: యశ్వంత్‌పూర్‌– హతియా ఎక్స్‌ప్రెస్‌ (12835), యశ్వంత్‌పూర్‌– టాటా నగర్‌(12889), హతియా– ఎర్నాకుళం ఎక్స్‌ప్రెస్‌ (22837 – 22838) ఆగుతుంది. విశాఖలోని దువ్వాడలో.. శంకర్‌పల్లి– ముంబై ఎక్స్‌ప్రెస్‌ (18519 , 18520), విశాఖపట్నం– హజ్ర­త్‌ నిజాముద్దీన్‌ ఎక్స్‌ప్రెస్‌ (12803, 12804) రైళ్లకు హాల్ట్ ఇచ్చారు.

పల్నాడు జిల్లా పిడుగురాళ్లలో ఎంజీఆర్‌ చెన్నై సెంట్రల్‌ – హైదరాబాద్‌ ఎక్స్‌ప్రెస్‌ (12603), భువనేశ్వర్‌ - సికింద్రాబాద్‌ ఎక్స్‌ప్రెస్‌ (17015).. అలాగే నాగర్‌సోల్‌–నర్సాపూర్‌ ఎక్స్‌ప్రెస్‌­(17232), సికింద్రాబాద్‌–తిరుపతి ఎక్స్‌ప్రెస్‌ (12733). సత్తెనపల్లిలో భువనేశ్వర్‌– సికింద్రాబాద్‌ ఎక్స్‌ప్రెస్‌ (17015), నాగర్‌సోల్‌–నర్సాపూర్‌ ఎక్స్‌ప్రెస్‌ (17232), ఎంజీఆర్‌ చెన్నై సెంట్రల్‌ – హైదరాబాద్‌ ఎక్స్‌ప్రెస్‌ (12603) రైళ్లు ఆగుతాయి. నడికుడి: సికింద్రాబాద్‌– తిరుపతి ఎక్స్‌ప్రెస్‌ (12733), ఎంజీఆర్‌ చెన్నై సెంట్రల్‌ – హైదరాబాద్‌ ఎక్స్‌ప్రెస్‌ (12603), భువనేశ్వర్‌– సికింద్రాబాద్‌ ఎక్స్‌ప్రెస్‌(17015), నాగర్‌సోల్‌–నర్సాపూర్‌ ఎక్స్‌ప్రెస్‌ (17232) రైళ్లకు హాల్ట్ ఉంటుంది.

తిరుపతి జిల్లా సూళ్లూరుపేట రైల్వే స్టేషన్‌లో.. అళప్పుజా–ధన్‌బాద్‌ ఎక్స్‌ప్రెస్‌ (13352).. పీలేరు: నాగర్‌కోయిల్‌ – ముంబై ఎక్స్‌ప్రెస్‌ (16340, 16339) , కాచిగూడ–మధురై ఎక్స్‌ప్రెస్‌ (17615, 17616) రైళ్లు ఆగుతాయి. అలాగే చిత్తూరు జిల్లా కుప్పంలో చెన్నై–శిరిడీ ఎక్స్‌ప్రెస్‌ (22601, 22602).. డోర్న్‌కల్‌లో లింగంపల్లి – కాకినాడ ఎక్స్‌ప్రెస్‌ (12737), 12738), మచిలీపట్నం– బీదర్‌ ఎక్స్‌ప్రెస్‌ (12749, 12750) రైళ్లకు స్టాప్‌లు ఉన్నాయి. ప్రయాణికులు ఈ విషయాన్ని గమనించాలని రైల్వేశాఖ సూచించింది.