నగరిలో ప్రారంభించిన ఆహా మంత్రి రోజా
Andhra Pradesh Telugu | Suryaa Desk | Published : Fri, Jul 21, 2023, 08:25 PM
చిత్తూరు జిల్లా నగరి మున్సిపాలిటీ పరిధిలోని మెప్మా కార్యాలయంలో ఆహా క్యాంటీన్ను మంత్రి రోజా ప్రారంభించారు. అర్బన్ మార్కెట్, ఫుడ్ ఫెస్టివల్, బ్యాంక్ లింకేజీతో వడ్డీలేని రుణాలు ₹:13.27 కోట్లు మెగా చెక్కు పంపిణీ కార్యక్రమం జరిగింది. వైఎస్ జగన్ ప్రభుత్వంలో మహిళల స్వయం ఉపాధి కల్పించేందుకు, మహిళల ఆదాయాన్ని పెంచేందుకు ఎన్నో వినూత్న మైన ఆలోచనలను ఆవిష్కరిస్తున్నారు.. అందులో ఈ ఆహా క్యాంటీన్లు, జగనన్న మహిళా మార్ట్ లు, డ్వాక్రా ఉత్పత్తుల అమ్మకాల కేంద్రాలు చాలా కీలకమైనవి అన్నారు మంత్రి రోజా. పట్టణ ప్రాంతాల్లో ఉన్న డ్వాక్రా మహిళలకు వారిలో ఉన్న నైపుణ్యాన్ని, సామర్థ్యాన్ని గుర్తించి.. వారికి ప్రభుత్వమే సహకారాన్ని అందించి వారి ఆదాయాన్ని పెంచే ప్రయత్నం చేస్తున్నందుకు చాలా సంతోషంగా ఉందన్నారు.
డ్వాక్రా మహిళల ఉపాధి కోసం కార్పొరేట్ రిటైల్ సంస్థలతో అనుసంధానం చేయడం.. అమూల్తో ఒప్పందం చేసుకోవడం.. వారికి చిన్న చిన్న వ్యాపారాలు చేసుకోవడానికి ప్రభుత్వం సహకారం అందిస్తోందన్నారు. ఈ దేశంలో ఏ ప్రభుత్వం అదించనంత చేయూతని జగనన్న ప్రభుత్వం అందిస్తోందని.. వైఎస్సార్ ఆసరా, వైఎస్సార్ చేయూత, సున్నా వడ్డీ రుణాలతో ఈ రాష్ట్రంలో పేదింటి మహిళలకు స్వయం ఉపాధికి జగనన్న తోడ్పాటు అందిస్తున్నారన్నారు. ఈ దేశంలో ఏ ముఖ్యమంత్రి మహిళల స్వయం ఉపాధికి ఇంత సహకారం అందించలేదన్నారు. ఒక్క వైఎస్సార్ ఆసరా ద్వారా ఈ రాష్ట్రంలోని సుమారు 80 లక్షల మంది డ్వాక్రా మహిళలకు ఈ ప్రభుత్వం అందించిన మొత్తం సాయం రూ. 19,178 కోట్లని తెలిపారు.
|
|