ట్రెండింగ్
గంజా అమ్ముతూ పట్టుబడ్డ వృద్దుడు
Andhra Pradesh Telugu | Suryaa Desk | Published : Thu, Jul 27, 2023, 01:40 PM
ఉమ్మడి పశ్చిమ గోదావరి జిల్లా పరిధిలోని చొప్పరమెటలో గంజాయి విక్రేత పల్లగాని కృష్ణారావు (61)ను బుధవారం ఆగిరిపల్లి ఎస్సై ఎన్.చంటిబాబు అరెస్టు చేసి 1230 గ్రాముల గంజాయిని స్వాధీనం చేసుకున్నారు. గ్రామానికి చెందిన కృష్ణారావు మూడేళ్లుగా విజయవాడ రైల్వేస్టేషన్ నుంచి కొందరు వ్యక్తుల వద్ద గంజాయి కొనుగోలు చేసి తీసుకువచ్చి చొప్పరమెట్లలో గంజాయి తాగేవాడు. ఈ నేపథ్యంలో అతనికి డబ్బులు అత్యవసరం కావడంతో తన వద్ద ఉన్న గంజాయిని విజయవాడలో అమ్మితే ఎక్కువ డబ్బులు సంపాదించవచ్చన్న ఆలోచనతో గంజాయిని తీసుకుని విజయవాడ వెళ్లేందుకు చొప్పరమెట్లలో బస్సు కోసం వేచి చూస్తుండగా ఎస్సై చంటిబాబు డిప్యూటీ తహసీల్దార్ జి.పవన్ కుమార్ నిందితుడిని అరెస్టు చేసి గంజాయి స్వాధీనం చేసుకున్నారు. కేసు నమోదు చేసి నూజివీడు సీఐ ఆర్. అంకబాబు కేసు దర్యాప్తు చేపట్టారు.
|
|