ట్రెండింగ్
తిరుమల శ్రీవారిని దర్శించుకొన్న ఇస్రో అధికార్లు
Andhra Pradesh Telugu | Suryaa Desk | Published : Sat, Jul 29, 2023, 07:25 PM
తిరుమల శ్రీవారిని ఇస్రో అధికార్లు దర్శించుకొన్నారు. భారత అంతరిక్ష పరిశోధన సంస్థ (ఇస్రో) రేపు పీఎస్ఎల్వీ సి-56 రాకెట్ ప్రయోగానికి సన్నద్ధమవుతోంది. ఇప్పటికే కౌంట్ డౌన్ మొదలైంది. ఈ వాణిజ్యపరమైన రాకెట్ ప్రయోగం ద్వారా సింగపూర్ కు చెందిన 7 శాటిలైట్లను నిర్దేశిత కక్ష్యల్లోకి పంపించనున్నారు. ఈ నేపథ్యంలో, ఇస్రో శాస్త్రవేత్తలు నేడు తిరుమల వెంకన్నను దర్శించుకున్నారు. పీఎస్ఎల్వీ సి-56 రాకెట్ నమూనాను శ్రీవారి పాదాల చెంత ఉంచి ప్రత్యేక పూజలు చేశారు. రేపటి రాకెట్ ప్రయోగం విజయవంతం కావాలని స్వామివారిని ప్రార్థించారు. తిరుపతి జిల్లా శ్రీహరికోటలోని షార్ కేంద్రం నుంచి పీఎస్ఎల్వీ సి-56 రాకెట్ రేపు (జులై 30) ఉదయం 6.30 గంటలకు రోదసిలోకి దూసుకెళ్లనుంది. నేటి ఉదయం 5.01 గంటలకు కౌంట్ డౌన్ ప్రారంభం కాగా, ప్రస్తుతానికి సజావుగా కొనసాగుతోంది.
|
|