ట్రెండింగ్
లీటర్ పెట్రోల్‌పై ఏకంగా రూ.12 తగ్గించారు,,,తిరుపతి జిల్లాలో రియల్టర్ బంపరాఫర్
Andhra Pradesh Telugu | Suryaa Desk | Published : Sat, Jul 29, 2023, 06:52 PM
పెట్రోల్‌పై ఓ సంస్థ బంపరాఫర్ ప్రకటించింది. డాలర్స్ రియల్ ఎస్టేట్ సంస్థ అధినేత దివాకర్ రెడ్డి వాహనదారుల కోసం ఆఫర్ పెట్టారు. తన పుట్టినరోజు సందర్భంగా ప్రజలకు సబ్సిడీలో పెట్రోల్ అందించారు. ఒక లీటరుపై రూ.12 తగ్గించారు. తిరుపతి-చంద్రగిరి సరిహద్దులో గల తిరుచానూరు భారత్ పెట్రోల్ బంక్‌లో.. ఉదయం 9 గంటల నుంచి రాత్రి 8 గంటల వరకు ఆఫర్ అందుబాటులో ఉంది.
ఆఫర్ ప్రకటించిన కొన్ని గంటల్లోనే 1000 లీటర్ల ఇంధనం అమ్ముడైందని నిర్వాహకులు చెబుతున్నారు. ఈ పెట్రోల్ సబ్సిడీ ఒక్కో మనిషికి 5 లీటర్ల చొప్పున మాత్రమే పంపిణీ చేశారు. రాత్రి 8 గంటల లోపు దాదాపు 5 వేల లీటర్లు పంపిణి చేసినట్లు చెబుతున్నారు. ఆ ఆఫర్ విని జనాలంతా అక్కడికి క్యూ కట్టారు. అంతేకాదు తన పుట్టిన రోజు సందర్భంటా పెట్రోల్ ఇలా సబ్సిడీపై అందించడంతో పాటుగా ఆ సంస్థకు కూడా పబ్లిసిటీ వచ్చిందని చర్చించుకున్నారు.
|
|