ట్రెండింగ్
చిరంజీవికి జన్మదిన శుభాకాంక్షలు తెలిపిన పవన్
Andhra Pradesh Telugu | Suryaa Desk | Published : Tue, Aug 22, 2023, 01:38 PM
తెలుగు సినీ నటుడు చిరంజీవి పుట్టిన రోజు సందర్భంగా అయన తమ్ముడు, జనసేన పార్టీ అధినేత పవన్ కల్యాణ్ జన్మదిన శుభాకాంక్షలు తెలిపారు. ‘‘మీ తమ్ముడిగా పుట్టి మిమ్మల్ని అన్నయ్యా అని పిలిచే అదృష్టాన్ని కలిగించిన ఆ భగవంతునికి ముందుగా కృతజ్ఞతలు. ఒక సన్నని వాగు అలా ప్రవహిస్తూ మహానదిగా మారినట్లు... మీ పయనం నాకు గోచరిస్తుంది. మీరు ఎదిగి మేము ఎదగడానికి ఒక మార్గం చూపడమే కాక లక్షలాది మందికి స్ఫూర్తిగా నిలిచిన మీ సంకల్పం, పట్టుదల, శ్రమ, నీతి నిజాయతీ, సేవాభావం నా వంటి ఎందరికో ఆదర్శం. ఆనందకరం, ఆరోగ్యకరమైన సంపూర్ణ ఆయుష్షుతో, మీరు మరిన్ని విజయాలు చవిచూడాలని మనస్ఫూర్తిగా కోరుకుంటున్నాను’’ అంటూ శుభాకాంక్షలు తెలిపారు.
|
|