రూ.118 కోట్ల ముడుపుల వ్యవహారంలో,,,,టీడీపీ అధినేత చంద్రబాబుకు ఐటీ నోటీసులు

మాజీ ముఖ్యమంత్రి, టీడీపీ అధినేత చంద్రబాబు కు ఐటీ నోటీసులు జారీ చేసింది. ఇన్ఫ్రా సంస్థల సబ్ కాంట్రాక్టుల ద్వారా రూ.118 కోట్ల ముడుపులు తీసుకున్నట్లు అభియోగాలు ఉన్నాయి. షోకాజ్ నోటీసులపై చంద్రబాబు అభ్యంతరాలను ఐటీ శాఖ తిరస్కరించింది. బోగస్ సబ్ కాంట్రాక్టు సంస్థల ద్వారా ముడుపులు పొందినట్లు ఆరోపణలు వస్తున్నాయి. ఆదాయ పన్ను శాఖ అధికారులు ప్రాథమిక ఆధారాలు సేకరించినట్లు తెలుస్తోంది. మనోజ్ వాసుదేవ్ పార్థసాని నివాసాల్లో తనిఖీల సమయంలో అసలు విషయం బయటపడింది. బోగస్ కాంట్రాక్టులు, వర్క్ ఆర్డర్ల ద్వారా నగదు స్వాహా చేసినట్లు ఒప్పుకున్న మనోజ్ వాసుదేవ్ ఒప్పుకున్నారు.

అతనే స్వయంగా 2017 నుంచి 2019 వరకు ఎన్ని కాంట్రాక్ట్ లు తీసుకుంది, డబ్బు ఎలా మార్చి ఇచ్చింది స్వయంగా స్టేట్మెంట్ ఇచ్చినట్లు చెబుతున్నారు. షాపూర్జి పల్లోంజి (ఎస్ పి సి ఎల్), ఎల్ అండ్ టి సంస్థల నుంచి సబ్ కాంట్రాక్టుల ద్వారా ముడుపులు అందినట్లు తెలుస్తోంది. ఫోనిక్స్ ఇన్ఫ్రా& పౌర్ ట్రేడింగ్ అనే సబ్ కాంట్రాక్టు సంస్థ ద్వారా నగదు మళ్లించారని ఆరోపణలు వచ్చాయి. అంతేకాదు ఐటీశాఖ మనోజ్ వాసుదేవ్ పార్థసాని ఇంట్లో సోదాలు చేసే సమయంలో కొన్ని మెసేజ్‌లు, చాట్‌లు, ఎక్స్‌ఎల్ షీట్లను కూడా సీజ్ చేసినట్లు తెలుస్తోంది. ఇక నిధులు మళ్లించినట్లు ఆధారాలు సేకరించిన ఐటీ.. మళ్లిన ఆ నిధులు చంద్రబాబుకు చేరినట్లు అభియోగం నమోదు చేసింది. 2016లో ఆగష్టులో చంద్రబాబు నాయుడు సెక్రటరీ శ్రీనివాస్‌ తనను కలిసి.. పార్టీకి ఫండ్‌ ఇవ్వాల్సిందిగా చెప్పినట్లు ఎంవీపీ ఐటీకి స్టేట్‌మెంట్‌ ఇచ్చారు.

2016లో చంద్రబాబు పీఏ శ్రీనివాస్‌తో పార్థసారథి టచ్‌లోకి వెళ్లారని చెబుతున్నారు. శ్రీనివాస్ ద్వారానే సబ్ కాంట్రాక్టుల సంస్థల నుంచి ముడుపులు పొందినట్లు సమాచారం. ఈ విషయాన్ని ఓ మీడియా సంస్థ బయటపెట్టింది. ఇది అక్రమ సంపాదన ఎందుకు కాదు అంటూ ఆదాయ పన్ను శాఖ నోటీసులు ఇచ్చింది. చంద్రబాబుకి ఐటీశాఖ 153 C నోటీసులు ఇవ్వగా.. ఆగస్టు 4న ఆ నోటీసులకి సమాధానం ఇవ్వగా.. అభ్యంతరాలను తిరస్కరించినట్లు తెలుస్తోంది. చంద్రబాబు సీఎంగా ఉన్న హయాంలో పలు నిర్మాణ కంపెనీలకు కాంట్రాక్టులు కట్టబెట్టారు. అయితే.. బోగస్‌ సబ్‌ కాంట్రాక్టుల ద్వారా బాబు లబ్ధి పొందినట్లు నోటీసుల్లో పేర్కొంది ఐటీ. ఈ నోటీసులకు సంబంధించిన పూర్తి వివరాలు తెలియాల్సి ఉంది.. టీడీపీ నేతలు స్పందించాల్సి ఉంది.