వరుస ట్వీట్లతో చంద్రబాబుకు చురకలు
Andhra Pradesh Telugu | Suryaa Desk | Published : Wed, Sep 06, 2023, 08:18 PM
వరుస ట్వీట్లతో వైసీపీ రాజ్యసభ సభ్యుడు విజయసాయిరెడ్డి చంద్రబాబుకు చురకలు అంటించారు. వాడుకలో ఉన్న కొత్త పదాలను గుర్తించి ఆక్స్ఫర్డ్ డిక్షనరీ.. ప్రతి సంవత్సరం నిఘంటువులో చేరుస్తుందని, కోటి రూపాయలంటే ఒక టన్ను స్టీల్ అనే పదజాలాన్ని కూడా చేర్చాలని ఉత్సాహవంతులైన యువతీ, యువకులు ఆక్స్ఫర్డ్కు మెయిల్స్ మీద మెయిల్స్ పెడుతున్నారని, ఆ క్రెడిట్ కూడా చంద్రబాబుకే దక్కుతుందని విజయసాయిరెడ్డి ఎద్దేవా చేశారు. కొత్త టెక్నాలజీనే కాదు పదాలను కూడా ఆయన సృష్టిస్తారన్నారు. మేం కూయకపోతే తెల్లవారదని భ్రమపడే చంద్రబాబు పచ్చ మీడియా కోళ్లు ఇకనైనా వాస్తవాలను గ్రహించాలని టీడీపీ అనుకూల మీడియాపై విమర్శలు గుప్పించారు. తమ యజమాని అక్రమ కమీషన్ల సొమ్ము రూ.118 కోట్లకు సంబంధించిన వార్తలను వారు రాయకుండా ఆపేశారని, కానీ శివుడి మూడో నేత్రం వంటి సోషల్ మీడియా దేశమంతా చాటింపు చేసిందన్నారు. చంద్రబాబు అనుకూల మీడియా ఆపితే ఆగే రోజులు ఇప్పుడు లేవని, ఇప్పటికైనా ఈ విషయం గ్రహించాలని సూచించారు.
|
|