ఏపీలో తగ్గిన వానలు.. ఎండ తీవ్రత
Andhra Pradesh Telugu | Suryaa Desk | Published : Tue, Oct 03, 2023, 08:10 PM
ఏపీలో వర్షాలు కొనసాగుతున్నాయి. బంగాళాఖాతంలో ఏర్పడిన ఆవర్తనం ప్రభావంతో వానలు పడుతున్నాయి. ఇవాళ శ్రీకాకుళం, విజయనగరం, పార్వతీపురం మన్యం, అల్లూరి సీతారామరాజు,అనకాపల్లి, కాకినాడ, ఏలూరు, కృష్ణ, ఎన్టీఆర్, గుంటూరు, బాపట్ల జిల్లాల్లో అక్కడక్కడ పిడుగులతో కూడిన తేలికపాటి నుంచి మోస్తరు వర్షాలు పడే అవకాశం ఉందని ఏపీ విపత్తుల సంస్థ తెలిపింది. విశాఖపట్నంలో 53 మిల్లీ మీటర్లు, పార్వతీపురం మన్యం జిల్లా పాలకొండలో 52.4, అనకాపల్లి (A)లో 50, అనకాపల్లిలో 30.8, కాకినాడ జిల్లా పెద్దాపురంలో 25.4, పార్వతీపురం మన్యం జిల్లా వీరఘట్టంలో 22.4, కృష్ణా జిల్లా గుడివాడలో 18.8, శ్రీకాకుళం జిల్లా పాతపట్నంలో 16.2 మిల్లీ మీటర్ల వర్షపాతం నమోదైంది. ఉత్తరాంధ్రతో పాటు కోస్తాలో అక్కడక్కడా మోస్తరు వానలు పడగా.. రాయలసీమలో చిరు జల్లులు మినహా పెద్దగా వర్షాలు పడలేదు. ఈ వారంలో వానలు పడతాయని అంచనా వేయగా.. విచిత్రంగా ఎండల తీవ్ర మళ్లీ మొదలైంది.
కొన్ని జిల్లాల్లో మధ్యాహ్నం వరకు ఎండల ప్రభావం ఉండగా.. ఆ తర్వాత వర్షం కురిసింది.. ఇలా విభిన్నమైన వాతావరణం కనిపించింది. ఆగస్టు నెలలో ఇలాగే ఎండల తీవ్రత కనిపించింది.. సెప్టెంబర్‌లో వానలు ఫర్వాలేదనిపించనా.. మళ్లీ అక్టోబర్ మొదటి వారంలో మాత్రం పరిస్థితి మారిపోయింది. వర్షాలు తగ్గుముఖం పట్టగా.. ఎండల మండిపోతున్నాయి. అలాగే ఉక్కపోతతో జనాలు అల్లాడిపోతున్నారు. ఈ ఏడాది కాస్త విచిత్రమైన వాతావరణమే కనిపిస్తోంది.
|
|