చంద్రబాబు అరెస్టుకి నిరసనగా 'న్యాయానికి సంకెళ్లు'
Andhra Pradesh Telugu | Suryaa Desk | Published : Mon, Oct 16, 2023, 08:15 AM
చంద్రబాబు అరెస్టుకి నిరసనగా ఆదివారం రాత్రి 7 గంటల నుంచి 7.05 వరకు చేపట్టిన 'న్యాయానికి సంకెళ్లు' అనే కార్యక్రమంలో భాగంగా చేతులకు సంకెళ్లను పోలిన రిబ్బన్లు, నల్ల వస్త్రాలు, తాళ్లను కట్టుకుని నిరసనల్లో ప్రజలు, చంద్రబాబు అభిమానులు, టీడీపీ కార్యకర్తలు, నాయకులు పెద్దఎత్తున పాల్గొన్నారు. రాజమహేంద్రవరంలో చంద్రబాబు సతీమణి భువనేశ్వరి, హైదరాబాద్లో లోకేశ్, బ్రాహ్మణి దంపతులు చేతులకు సంకెళ్లులా తాళ్లు కట్టుకుని చంద్రబాబు అరెస్టును నిరసించారు. మచిలీపట్నంలో మాజీ మంత్రి కొల్లు రవీంద్ర, మైలవరంలో మాజీ మంత్రి దేవినేని ఉమ నిరసనల్లో పాల్గొన్నారు. భీమవరంలో ఉండి మాజీ ఎమ్మెల్యే శివరామరాజు మెడకు, చేతులకు ఇనుప సంకెళ్లు వేసుకుని, నినాదాలు చేశారు. వెంకటగిరిలో ఎమ్మెల్యే ఆనం రామనారాయణరెడ్డి, విజయవాడలో ఎమ్మెల్యే గద్దె రామ్మోహన్రావు దంపతులు, టంగుటూరులో ఎమ్మెల్యే బాలవీరాంజనేయస్వామి, హైదరాబాద్ నివాసంలో తాడికొండ ఎమ్మెల్యే ఉండవల్లి శ్రీదేవి దంపతులు, నెల్లూరులో బీద రవిచంద్ర, పార్టీ నేత దామచర్ల సత్య, చేతులకు తాళ్లు కట్టుకుని, నిరసన తెలియజేశారు. అనంతపురంలో తెలుగు యువత రాష్ట్ర అధ్యక్షుడు శ్రీరామ్ చినబాబు, తిరుపతిలో తెలుగు యువత ప్రధాన కార్యదర్శి రవినాయుడు, విజయవాడలో తెలుగు యువత నేతలు కేశినేని చిన్ని, నాదెండ్ల బ్రహ్మం సంకెళ్లతో నిరసన తెలిపారు.
|
|