యువతకు మేలు చేస్తే కేసులు పెడతారా..?
Andhra Pradesh Telugu | Suryaa Desk | Published : Sat, Oct 21, 2023, 04:54 PM
చంద్రబాబును అరెస్ట్ చేసి భయపెట్టాలని జగన్ ప్రయత్నిస్తున్నారని టీడీపీ రాష్ట్ర అధ్యక్షుడు అచ్చెన్నాయుడు అన్నారు. టీడీపీ విస్తృత స్థాయీ సమావేశంలో ఆయన మాట్లాడుతూ.... టీడీపీ ఇలాంటి బెదిరింపులకు భయపడదు. ఏపీకి పట్టిన శని ఎప్పుడు వదులుతుందా..? అని ప్రజలు ఎదురు చూస్తున్నారన్నారు. లోకేష్ పాదయాత్రను అడ్డుకునేలా ప్రభుత్వం ఉక్కుపాదం మోపినా.. ప్రజలే నడిపించారు. పులివెందుల్లో కూడా లోకేష్ పాదయాత్రకు ప్రజలు బ్రహ్మరథం పట్టారు. చంద్రబాబును అక్రమంగా జైల్లో పెడితే రాష్ట్రమంతా సంఘీభావం తెలిపారు.. కానీ జగన్ జైలుకెళ్తే ఇంట్లో కుక్క కూడా మొరగలేదు. పోలీసులు ఎన్ని అడ్డంకులు సృష్టించినా మహిళలు.. యువకులు స్వచ్ఛందంగా సంఘీభావం తెలిపారు. యువతకు మేలు చేకూరేలా స్కిల్ డెవలప్మెంట్ శిక్షణ ఇస్తే.. కేసులు పెట్టి అరెస్ట్ చేస్తారా..?, చంద్రబాబు జైలుకెళ్లినా పోరాడాలి. ఎన్నికలకు సిద్దం కావాలి.’’ అని పిలుపునిచ్చారు అని తెలిపారు.
|
|