ధనత్రయోదశి సందర్భంగా,,,,పూరీ జగన్నాథ ఆలయంలో తొక్కిసలాట
national | Suryaa Desk | Published : Fri, Nov 10, 2023, 09:30 PM
ఒడిశాలోని ప్రముఖ పూరీ జగన్నాథ ఆలయంలో శుక్రవారం తొక్కిసలాట చోటు చేసుకుంది. ఈ తొక్కిసలాటలో 10 మంది భక్తులు తీవ్రంగా గాయపడ్డారు. వారిలో పలువురి పరిస్థితి విషమంగా ఉన్నట్లు తెలుస్తోంది. రంగంలోకి దిగిన పోలీసులు.. గాయపడిన వారిని హుటాహుటిన ఆస్పత్రికి తరలించారు. ఈ ఘటనలో గాయపడిన వారిలో కొందరి పరిస్థితి విషమంగా ఉన్నట్లు డాక్టర్లు తెలిపారు. ప్రస్తుతం వారికి మెరుగైన చికిత్స అందిస్తున్నారు. శుక్రవారం ధన త్రయోదశి సందర్భంగా భారీ సంఖ్యలో భక్తులు పూరీ జగన్నాథ ఆలయానికి చేరుకున్నారు. ధన త్రయోదశి వేళ పూరీ జగన్నాథ ఆలయంలో ప్రత్యేక పూజా కార్యక్రమాలు నిర్వహించారు. ఈ ప్రత్యేక పూజల్లో పాల్గొనేందుకు ఎక్కువ మంది తరలివచ్చారు. పూరీ జగన్నాథుడిని చూసేందుకు జనం ఒక్కసారిగా ఎగబడటంతో తొక్కిసలాట జరిగినట్లు స్థానికులు తెలిపారు.
గాయపడిన వారిని పూరీ ప్రభుత్వాస్పత్రికి తరలించి చికిత్స అందిస్తున్నారు. ఒడియా పంచాంగం ప్రకారం.. కార్తిక మాసం గత పౌర్ణమి నుంచి ప్రారంభం అయింది. ఈ క్రమంలోనే కార్తిక శుక్రవారం సందర్భంగా పూరీ జగన్నాథుడిని దర్శించుకునేందుకు భారీగా జనం వచ్చారు. అయితే కార్తిక శుక్రవారం సందర్భంగా ఉదయాన్న్ ‘మంగళ ఆలటి’ నిర్వహించారు. అనంతరం ఒక్కసారిగా భక్తులు ఆలయంలో లోపలికి ప్రవేశించేందుకు ప్రయత్నించారు. ఈ క్రమంలోనే తొక్కిసలాట జరిగింది. అయితే ఆలయం మెట్లపై భక్తులు పడిపోవడంతో ఒకరిపై ఒకరు పడి తొక్కుకుంటూ వెళ్లారు.
|
|