యుద్ధ విమానాన్ని నడిపిన ప్రధాని మోడీ
national | Suryaa Desk | Published : Sat, Nov 25, 2023, 03:00 PM
కర్ణాటక పర్యటనలో ఉన్న ప్రధానమంత్రి నరేంద్రమోడీ బెంగళూరు లోని హిందుస్థాన్‌ ఏరోనాటిక్స్‌ లిమిటెడ్‌ ను సందర్శించారు. ఈ దర్భంగా అక్కడ స్వదేశీ పరిజ్ఞానంతో రూపొందించిన తేలికపాటి యుద్ధ విమానం తేజస్‌ లో విహరించారు. ఆ ఫొటోలను ప్రధాని తన ఎక్స్‌ ఖాతాలో పంచుకున్నారు. ప్రధాని మోడీ ‘‘తేజస్‌ ప్రయాణాన్ని విజయవంతంగా పూర్తిచేశాను. ఈ అనుభవం చాలా అద్భుతంగా ఉంది. ఈ ప్రయాణంతో మన స్వదేశీ సామర్థ్యంపై నా విశ్వాసం మరింత పెరిగింది.
మన దేశ శక్తి సామర్థ్యాల పట్ల నాకు గర్వంగా ఉంది. ఇది మన శాస్త్రవేత్తల కృషి, అంకితభావానికి నిదర్శనం. స్వావలంబనలో మనం ప్రపంచంలో ఎవరి కంటే తక్కువ కాబోమని నేను గర్వంగా చెప్పగలను. భారత వాయుసేన, డీఆర్‌డీవో, హిందుస్థాన్‌ ఏరోనాటిక్స్‌ లిమిటెడ్‌ (హల్‌)కు హృదయపూర్వక అభినందనలు’’ అని మోదీ రాసుకొచ్చారు. ఈ సందర్భంగా హల్‌లో నూతనంగా ఏర్పాటు చేస్తున్న తయారీ యూనిట్‌ను ప్రధాని పరిశీలించారు.
|
|