కర్ణాటకలో వివాహితను చంపిన భర్త,,,,ఏడాది కిందట జంటకు ప్రేమ వివాహం
Crime | Suryaa Desk | Published : Sun, Nov 26, 2023, 10:22 PM
కర్ణాటకలోని రెండు రోజుల కిందట భర్త చేతిలో ఓ వివాహిత హత్యకు గురైంది. విజయనగర జిల్లా హడగలి తాలూకాలో చోటుచేసుకున్న ఈ ఘటనపై కేసు నమోదుచేసి పోలీసులు దర్యాప్తు చేపట్టగా.. విస్తుగొలిపే నిజాలు వెలుగులోకి వచ్చాయి. పోలీసుల కథనం ప్రకారం.. విజయనగర జిల్లా హగరిబొమ్మన్‌గలి తాలూకా కోగలి తండాకు చెందిన శ్రీకాంత్ కమ్యూనిటీ హెల్త్ ఆఫీసర్‌గా పనిచేస్తున్నాడు. మైసూర్ జిల్లా హెచ్‌డీ కొటే తాలూకా మదపురాకు చెందిన డింపుల్(36)ను ప్రేమించి ఏడాది కిందట పెళ్లి చేసుకున్నాడు.
అయితే, ఇది వరకే శ్రీకాంత్‌కు వివాహం కాగా.. డింపుల్‌కు ఇంతకు ముందు రెండు పెళ్లిళ్లు జరిగినట్టు పోలీసులు గుర్తించారు. అయితే, వారితో విడాకులు తీసుకుని, శ్రీకాంత్‌ను పెళ్లి చేసుకున్నట్టు తెలిపారు. కానీ, శ్రీకాంత్ మొదటి భార్యకు విడాకులు ఇవ్వలేదని అన్నారు. డింపుల్‌ను పెళ్లిచేసుకుని ఇట్టగిలో కాపురం పెట్టాడని చెప్పారు. డింపుల్ కూడా హగరిబొమ్మన హళ్లి తాలూకాలోని ఉలవట్టి ప్రాథమిక ఆరోగ్య కేంద్రంలో హెల్త్ ఆఫీసర్‌గా పనిచేస్తోందని పేర్కొన్నారు. గత కొద్ది రోజులుగా డింపుల్‌ను అనుమానిస్తున్న శ్రీకాంత్.. ఇదే అంశంపై ఆమెతో తరచూ గొడవపడేవాడు. ఈ క్రమంలో శుక్రవారం ఇద్దరూ మధ్య గొడవ జరిగింది. ఆవేశంలో శ్రీకాంత్ ఆమె గొంతునులిమి హత్యచేశాడు. అనంతరం తానే పోలీస్‌ స్టేషన్‌కు వెళ్లి లొంగిపోయాడు. దీనిపై కేసు నమోదు చేసిన పోలీసులు.. దర్యాప్తు చేపట్టారు.
|
|