ట్రెండింగ్
తిరుమలలో వైకుంఠ ఏకాదశి.. స్వర్ణరథంపై దేవదేవుడు శ్రీ వేంకటాద్రీశుడి విహారం
Andhra Pradesh Telugu | Suryaa Desk | Published : Sat, Dec 23, 2023, 07:34 PM
వైకుంఠ ఏకాదశి సందర్భంగా స్వర్ణరథంపై తిరుమల మాడవీధుల్లో విహరించారు. శ్రీదేవి, భూదేవి సమేతంగా స్వర్ణరథంపై భక్తులకు శ్రీవారు భక్తులకు దర్శనమిచ్చారు. మరోవైపు, వైకుంఠ ద్వార దర్శనం సందర్భంగా తిరుమలలో భక్తుల రద్దీ కనిపిస్తోంది. ధనుర్మాసం కావడంతో ముందుగా తిరుప్పావై ప్రవచనాలు వినిపించడంతోపాటు శ్రీవారికి ఇతర కైంకర్యాలు పూర్తి చేశారు. అనంతరం శ్రీవారిని భక్తులు దర్శించుకుంటున్నారు. అర్ధరాత్రి నుంచే స్వామివారి దర్శనార్థం భక్తులు బారులు తీరారు. జనవరి 1న అర్ధరాత్రి 12 గంటల వరకు వైకుంఠ ద్వారాలు తెరిచి ఉండనున్నాయి. టోకెన్లు ఉన్న భక్తులకు మాత్రమే వైకుంఠ ద్వార దర్శనం కల్పించనున్నారు. ద్వాదశి సందర్భంగా ఆదివారం శ్రీవారి చక్రస్నానం నిర్వహించనున్నారు.
|
|