మళ్లీ మొరాయించిన కెనడా ప్రధాని డొక్కు విమానం.. జీ20 తర్వాత రెండోసారి

కెనడా ప్రధాన మంత్రి జస్టిన్ ట్రూడో ఇటీవలి తన కరీబియన్ పర్యటనలో ఇబ్బంది ఎదుర్కొన్నారు. ఆయన పర్యటించిన విమానంలో సాంకేతికలోపం తలెత్తి ఆగిపోయింది. దీంతో మరమ్మతు బృందంతో కెనడా సాయుధ దళాలు రెండో విమానాన్ని పంపాల్సి వచ్చింది. గతేడాది గత ఏడాది సెప్టెంబరులో జరిగిన జీ20 సమ్మిట్ సందర్భంగా భారత్‌కు వచ్చిన ట్రూడో ఇలాంటి అనుభవాన్నే ఎదుర్కొన్నారు. ఆయన వచ్చిన రాయల్ కెనడా ఎయిర్‌ఫోర్స్ సీసీ-44 విమానం మొరాయించడంతో రెండు రోజుల పాటు భారత్‌లో ఉండిపోయారు.

కుటుంబ సమేతంగా విహారయాత్రకు బయలుదేరిన ప్రధానికి జమైకాలో కూడా ఇలాంటి దుస్థితి ఎదురైంది. ‘ప్రధాన మంత్రి పర్యటనకు వినియోగించే రెండు రాయల్ కెనడియన్ ఎయిర్ ఫోర్స్ సీసీ-144 విమానాలు జమైకాలో ఉన్నాయి’ అని కెనడా రక్షణ శాఖ ప్రతినిధి ఒకరు నిర్దారించారు. జనవరి 2న ఈ ఘటన చోటుచేసుకోగా.. కెనడా సిబ్బంది తక్షణమే స్పందించి మరో విమానంతో అక్కడకు చేరుకుని, ఆ విమానంలో సమస్యను పరిష్కరించారు. ఊహించని అవాంతరాలు ఎదురైనప్పటికీ ట్రూడో పర్యటన మాత్రం షెడ్యూల్‌‌లో జాప్యం జరగలేదు. అనుకున్నట్టుగానే జనవరి 4న తిరిగి వచ్చారు. కెనడా ప్రధాని జమైకా పర్యటనకు వినియోగించన వాటిని సీసీ-144 ఛాలెంజర్ ఎయిర్‌క్రాఫ్ట్‌గా గుర్తించారు. కెనడా సాయుధ దళాలు ఇటీవల వీటిని కొనుగోలు చేశాయి. తాజా, ఘటన ట్రూడో ఇటీవలి పర్యటనలో ప్రమాదాల నమూనాను అనుసరిస్తుంది.

ముఖ్యంగా సెప్టెంబర్‌లో జీ20 సమ్మిట్ తర్వాత మెకానికల్ లోపం కారణంగా ఢిల్లీ నుంచి బయలుదేరడం ఆలస్యం అయింది. 2019లోనూ జర్నలిస్టులను తీసుకెళ్తున్న బస్సు, ట్రూడో లిబరల్ పార్టీ చార్టర్డ్ విమానం ఢీకొట్టింది. తర్వాత లండన్‌లో జరిగిన నాటో సదస్సుకు వెళ్లగా అక్కడ కూడా విమానానికి మారవలసి వచ్చింది. దురదృష్టవశాత్తూ బ్యాకప్ ఎయిర్‌క్రాఫ్ట్‌లో సమస్యలు తలెత్తాయి. దీంతో ట్రూడో తన తిరుగు ప్రయాణం కోసం మూడోది ఎంచుకోవాల్సి వచ్చింది.