సంక్రాంతి రద్దీ దృష్ట్యా రైళ్లు,,,ఉత్తరాంధ్రవాసులకు రెండు స్పెషల్ రైళ్లు ఏర్పాటు
Andhra Pradesh Telugu | Suryaa Desk | Published : Fri, Jan 12, 2024, 07:07 PM
తెలుగు రాష్ట్రాల్లో సంక్రాంతి సందడి కనిపిస్తోంది. ముఖ్యంగా హైదరాబాద్ నుంచి ఏపీకి జనాలు పండుగ కోసం వెళుతున్నారు. ఇప్పటికే రైళ్లు, బస్సులన్నీ ఫుల్ అయ్యాయి.. అయితే ప్రయాణికుల రద్దీ దృష్ట్యా 12న (ఇవాళ) హైదరాబాద్ నుంచి శ్రీకాకుళం రోడ్డు వరకు ప్రత్యేక రైలు నడపనున్నట్లు సీనియర్‌ డివిజనల్‌ కమర్షియల్‌ మేనేజర్‌ ఏకే త్రిపాఠి తెలిపారు. 12న రాత్రి 9 గంటలకు హైదరాబాద్‌లో బయల్దేరి 13న ఉదయం 8.28 గంటలకు దువ్వాడ చేరుతుందన్నారు. 8.30 గంటలకు బయల్దేరి ఉదయం 11.45 గంటలకు శ్రీకాకుళం రోడ్డు వెళుతుందన్నారు.
అలాగే తిరుగు ప్రయాణంలో ఈ రైలు 13న (శనివారం) సాయంత్రం 5.30 గంటలకు శ్రీకాకుళం రోడ్డులో బయల్దేరి దువ్వాడ రాత్రి 8.18కి చేరుతుందన్నారు. దువ్వాడలో 8.20 గంటలకు బయల్దేరి మరుసటిరోజు ఉదయం 9.15 గంటలకు హైదరాబాద్ చేరుతుందన్నారు. ప్రయాణికులు ఈ విషయాన్ని గమనించాలని సూచించారు రైల్వే అధికారులు. విశాఖపట్నం-గుంటూరు-విశాఖపట్నం మధ్య ప్రత్యేక రైలు నడవనుందని రైల్వే అధికారులు తెలిపారు. ప్రత్యేక రైలు జనవరి 13న విశాఖపట్నంలో ఉదయం 8.20 గంటలకు బయల్దేరి.. గుంటూరుకు మధ్యాహ్నం 3 గంటలకు చేరుతుందన్నారు. గుంటూరులో 13న సాయంత్రం 5 గంటలకు బయల్దేరి రాత్రి 11.50కు విశాఖ చేరుతుందన్నారు. హిందీ రాజభాష డిపార్టుమెంటు రూపొందించిన హిందీ టేబుల్‌ క్యాలెండర్‌ను ప్రపంచ హిందీ దినం సందర్భంగా డీఆర్‌ఎం సౌరబ్‌ ప్రసాద్‌ ఆవిష్కరించారు.
|
|