తిరుమల శ్రీవారి భక్తుల. దర్శన టికెట్లు, సేవలు, వసతి గదుల కోటా ఇలా.. బుక్ చేస్కోండి

తిరుమల శ్రీవారి భక్తులకు శుభవార్త. టీటీడీ ఏప్రిల్ నెల‌కు సంబంధించి ఆన్‌లైన్‌లో విడుద‌ల చేయ‌నున్న‌ ద‌ర్శ‌నం, వసతి గదులు, ఆర్జిత సేవా టికెట్ల కోటా షెడ్యూల్‌ను రిలీజ్ చేసింది. జనవరి 18వ తేదీ ఉదయం 10 గంటల నుంచి 20వ తేదీ ఉదయం 10 గంటల వరకు సుప్రభాతం, తోమాల, అర్చన, అష్టదళ పాదపద్మారాధన ఆర్జిత సేవల లక్కీ డిప్ కోసం నమోదు చేసుకోవచ్చు. లక్కీ డిప్ రిజల్ట్‌ను జనవరి 20న మధ్యాహ్నం 12 గంటలకు విడుదల చేస్తారు. డిప్‌లో సెలెక్ట్ అయిన వాళ్లు జనవరి 20వ తేదీ మధ్యాహ్నం 12 గంటల నుంచి 22వ తేదీ మధ్యాహ్నం 12 గంటల్లోపు సొమ్ము చెల్లించి టికెట్‌ను ఖరారు చేసుకోవాలని టీటీడీ సూచించింది.

ఈ నెల 22న మధ్యాహ్నం 3గంటలకు కల్యాణోత్సవం, ఆర్జిత బ్రహ్మోత్సవం, ఊంజల్ సేవ, సహస్ర దీపాలంకారణ, వర్చువల్ సేవా+ కనెక్టెడ్ దర్శనం టికెట్లను విడుదల చేస్తారని టీటీడీ తెలిపింది. ఈ నెల 23వ తేదీ ఉదయం 10 గంటలకు అంగ ప్రదక్షిణం టికెట్లను విడుదల చేస్తారు. జనవరి 23వ తేదీ ఉదయం 11 గంటలకు శ్రీవాణి ట్రస్ట్ బ్రేక్ దర్శనం టికెట్లు.. మధ్యాహ్నం 3 గంటలకు వృద్ధులు, దివ్యాంగుల దర్శనం టికెట్లను విడుదల చేస్తారు. జనవరి 24వ తేదీ ఉదయం 10 గంటలకు రూ.300 దర్శనం టికెట్లను విడుదల చేస్తారు.. అలాగే గదుల కోటాను మధ్యాహ్నం విడుదల చేస్తామని టీటీడీ తెలిపింది. ఈ మేరకు షెడ్యూల్‌కు తగిన విధంగా టికెట్లు, గదులు బుక్ చేసుకోవాలని సూచించింది టీటీడీ.

మరోవైపు తిరుమల శ్రీవారి భక్తులను టీటీడీ అలర్ట్ చేసింది. శ్రీవారి ఆలయానికి సంబంధించిన వివరాలను తెలియజేసే అధికారిక వెబ్‌సైట్ పేరును మార్చినట్లు తెలిపింది. గతంలో tirupatibalaji.ap.gov.in అని ఉండగా ప్రస్తుతం ttdevasthanams.ap.gov.in గా మార్పు చేసినట్లు చెప్పారు. ఈ మార్పును భక్తులు గుర్తించాలని.. ఆలయానికి సంబంధించిన అధికారిక వెబ్‌సైట్ పేరు మార్పుని వన్ ఆర్గనైజేషన్, వన్ వెబ్‌ సైట్, వన్ మొబైల్ యాప్‌లో భాగంగా ఈ నిర్ణయం తీసుకున్నమంటోంది టీటీడీ.

గతంలో టీటీడీ వెబ్‌సైట్ పేరు టీటీడీ సేవా ఆన్‌లైన్ అనే పేరుతో ఉన్న సంగిత తెలిసిందే. ఆ తర్వాత టీటీడీ వెబ్‌సైట్‌ను tirupatibalaji.ap.gov.in గా మార్చారు.. ఇప్పుడు ఆ పేరునూ మార్చేసి ttdevasthanams.ap.gov.in గా మార్పు చేశారు. అంతేకాదు ప్రధాన ఆలయంతో పాటు అనుబంధ ఆలయాలకు సంబంధించిన వివరాలు, దర్శన వేళలు, ఆర్జిత సేవలు, రవాణ వివరాలు, బస వంటి వివరాలను ఈ వెబ్‌సైట్ ద్వారా తెలుసుకోవచ్చు. పొందుపరిచారు. జియో సంస్థ సహకారంతో టీటీడీ ఐటీ విభాగం కొత్త వెబ్‌సైట్‌ను డిజైన్ చేసింది. ఈ మార్పును గమినించాలని సూచించారు.