ట్రెండింగ్
సొంత జెండా ఎజెండా చంద్రబాబుకు ఉందా?
Andhra Pradesh Telugu | Suryaa Desk | Published : Sat, Jan 13, 2024, 10:24 AM
వెన్నుపోటు రాజకీయం చంద్రబాబుకు వెన్నతో పెట్టిన విద్య అని మంత్రి ఆర్కే రోజా విమ‌ర్శించారు. బీజేపీతో కలిసి పోటీ చేయనని చెప్పి 2014లో పొత్తు పెట్టుకున్నాడ‌ని గుర్తు చేశారు. చంద్రబాబు పొద్దున్నే జనసేన, మధ్యాహ్నం కాంగ్రెస్ రాత్రికి బీజేపీతో ఉంటాడు. సొంత జెండా ఎజెండా చంద్రబాబుకు ఉందా? అంటూ మంత్రి రోజా ప్రశ్నించారు. డబ్బులకు సీట్లు అమ్ముకోవాల్సిన కర్మ తమకు పట్టలేదని.. చంద్రబాబు ప్రస్టేషన్‌లోకి వెళ్లిపోయి మాట్లాడుతున్నారంటూ మంత్రి ఆర్కే రోజా మండిపడ్డారు. కుప్పంలో గెలవలేనని చంద్రబాబు రెండో స్థానం వెతుక్కుంటున్నాడని, ఎన్నికల్లో నిలబెట్టడానికి ఆయనకు అభ్యర్థులు దొరకడం లేదంటూ ఆమె ఎద్దేవా చేశారు. మందలో ఒకరిగా ఉండకూడదని, మందలో ఒకరిగా ఉంటే మందలగిరి మొద్దులా ఉంటారంటూ మంత్రి రోజా లోకేష్‌కు చురకలు అంటించారు.
|
|