ట్రెండింగ్
ఈనెల 16 నుంచి అథ్లెటిక్స్‌ పోటీలకు సిద్ధం
Andhra Pradesh Telugu | Suryaa Desk | Published : Wed, Feb 14, 2024, 02:19 PM
శ్రీకాకుళం జిల్లా అథ్లెటిక్స్‌ జట్టు గుజరాత్‌లోని అహ్మదాబాద్‌ నవ రంగపూర్‌లో ఈనెల 16 నుంచి 18 వరకు జరిగే జాతీయ స్థాయి ఇంటర్‌ డిస్ర్టెక్ట్‌ పోటీలకు మంగళవారం పయనమయ్యింది. ఫెడరేషన్‌ ఆఫ్‌ ఇండియా ఆధ్వర్యంలో నిర్వహించనున్న ఈ పోటీలకు జిల్లా నుంచి 13 మంది క్రీడాకా రులు, ఇద్దరు టీమ్‌ మేనేజర్లు ఇ.అప్పన్న, గణేష్‌లు పాల్గొంటున్నట్లు జిల్లా అథ్లెటిక్స్‌ అసోసియేషన్‌ కార్యదర్శి ఎం.సాంబమూర్తి తెలిపారు. జట్టుకు రాష్ట్ర అథ్లెటిక్స్‌ అసోసియేషన్‌ అధ్యక్షులు కొన్న మధుసూదనరావు క్రీడా కిట్లను అందజేశారు. డొంకూరు జడ్పీ ఉన్నత పాఠశాల విద్యార్థులు టి.జయలక్ష్మి, డి.విస్సు, టి.వినీతలు గుజరాత్‌లోని అహ్మదాబాద్‌లో ఈనెల 15 నుంచి జరగనున్న అథ్లెటిక్స్‌ పోటీలకు ఎంపికైనట్లు పీడీ వజీర్‌ ఆహ్మద్‌ తెలిపారు. ఈసందర్భంగా హెచ్‌ఎం విద్యార్థులను అభినందించారు.
|
|