పంట పొలాలను ధ్వంసం చేసిన ఏనుగులు
Andhra Pradesh Telugu | Suryaa Desk | Published : Thu, Feb 15, 2024, 01:08 PM
చంద్రగిరి మండలం, చిన్నరామాపురం పంచాయతీలోని యల్లంపల్లెలో పంట పొలాలను ధ్వంసం చేసిన ఏనుగులు ఓ రైతుపై దాడి చేశాయి. 20 రోజులకు పైగా మూలపల్లి, భీమవరం, చిన్నరామాపురం, శేషాపురం అటవీ ప్రాంతంలో పంట పొలాలను ఏనుగులు ధ్వంసం చేస్తున్న విషయం తెలిసిందే. మంగళవారం రాత్రి యల్లంపల్లెకు చెందిన మనోహర్రెడ్డి తన పొలం వద్ద మంచంపై నిద్రిస్తుండగా ఏనుగులు దాడి చేశాయి.రైతు మనోహర రెడ్డి కేకలు వేయడంతో గ్రామస్తులు అటవీశాఖకు సమాచారం ఇచ్చారు. అటవీ శాఖ అధికారులు సంఘటనా స్థలానికి చేరుకుని బాణాసంచి కాల్చి ఏనుగును అటవీ ప్రాంతంలోకి తరిమారు.గాయపడిన మనోహర రెడ్డిని మెరుగైన వైద్యం కోసం తిరుపతి రుయాస్పత్రికి తరలించారు. కాగా ఏనుగు దాడిలో గాయపడిన మనోహరరెడ్డిని బుధవారం చెవిరెడ్డి హర్షిత్రెడ్డి పరామర్శించారు. పాకాల మండలం దామలచెరువు పంచాయతీ కాకర్లవారిపల్లె సమీపంలో పంటపొలాలపై బుధవారం రాత్రి ఏనుగులు దాడి చేశాయి. ఐరాల మండలం చుక్కావారిపల్లె సమీపంలో కూడా పంటపొలాలను ఏనుగులు ధ్వంసం చేశాయి.
|
|