ఆటో ఎక్కుతున్నారా.. వీళ్లతో జాగ్రత్త, మీ కళ్ల ముందే అంతా జరిగినా
Andhra Pradesh Telugu | Suryaa Desk | Published : Fri, Feb 16, 2024, 07:11 PM
ప్రకాశం జిల్లాలో కిలాడీ లేడీలు తండ్రి, కూతుళ్లను బురిడీ కొట్టించారు. మాయ మాటలు చెప్పి బంగారం ఎత్తుకెళ్లారు. ఇంటికొచ్చిన తర్వాత చూస్తే బంగారం కనిపించకపోవడంతో అవాక్కయ్యరు. కురిచేడు మండలంలోని ఆవులమంద పంచాయతీలోని ఎం.గంగవరానికి చెందిన ఉన్నగిరి వెంకటేశ్వర్లు, గర్భవతిగా ఉన్న కుమార్తె సౌందర్యను పుట్టింటికి తీసుకువస్తున్నారు. ఈ మేరకు బుధవారం వారు కురిచేడులో ఆటో ఎక్కారు. అప్పటికే అందులో మరో ముగ్గురు మహిళలున్నారు.
సౌందర్య దగ్గర ఎక్కువ బ్యాగులుండడాన్ని గమనించిన ఓ మహిళ తాను కొన్ని తీసుకొస్తానని నమ్మబలికింది. ఆమె ఓ బ్యాగు తీసుకుంది.. ఇంతలో అందులో ఉన్న బంగారాన్ని చోరీ చేసింది. ఆ సమయంలో మిగిలిన మహిళలిద్దరూ సౌందర్యను మాటల్లో పెట్టారు. ఇదంతా జరిగే లోపు సొంతూరు రావడంతో తండ్రీ, కుమార్తెలు ఆటో దిగి ఇంటికొచ్చి రాత్రి బ్యాగుని పరిశీలించారు.. బంగారం కనిపించకపోవడంతో కురిచేడు పోలీస్టేషన్‌లో ఫిర్యాదు చేశారు. మొత్తం 12 సవర్ల బంగారంతో ఆ ముగ్గురు మహిళల గ్యాంగ్ పారిపోయింది.. పోలీసులు వారి గురించి ఆరా తీస్తున్నారు.
|
|