ట్రెండింగ్
తెలుగు కవయిత్రికి నివాళులు అర్పించిన సీఎం జగన్
Andhra Pradesh Telugu | Suryaa Desk | Published : Wed, Mar 13, 2024, 04:14 PM
16వ శతాబ్దపు తెలుగు కవయిత్రి ఆతుకూరి మొల్లమాంబ (మొల్ల) జయంతి సందర్భంగా సీఎం వైయస్ జగన్ మోహ‌న్ రెడ్డి ఘ‌నంగా నివాళుల‌ర్పించారు. ముఖ్య‌మంత్రి క్యాంప్‌ కార్యాలయంలో ఆమె చిత్రపటానికి సీఎం వైయస్ జగన్ పూల‌మాల వేసి నివాళుల‌ర్పించారు. ఈ సందర్భంగా ఆమె సేవ‌ల‌ను, క‌విత‌ల‌ను ముఖ్య‌మంత్రి గుర్తు చేసుకున్నారు. కాగా, ఆతుకూరి మొల్లమాంబ (మొల్ల) జయంతిని ప్రభుత్వం అధికారికంగా నిర్వహిస్తూ ఇటీవల ఉత్తర్వులు జారీ చేసింది. ఈ కార్యక్రమంలో ప్రభుత్వ విప్‌లు వరుదు కళ్యాణి, చెవిరెడ్డి భాస్కర్‌ రెడ్డి, ఏపీ శాలివాహన కార్పొరేషన్‌ ఛైర్మన్‌ మండేపూడి పురుషోత్తం పాల్గొని నివాళుల‌ర్పించారు.
|
|