ఏపీలో వారికి గుడ్ న్యూస్.. అకౌంట్లలో డబ్బులు జమ
Andhra Pradesh Telugu | Suryaa Desk | Published : Sun, Mar 31, 2024, 07:42 PM
ఏపీలోని ప్రభుత్వ ఉద్యోగులకు శుభవార్త. ఉద్యోగులకు ఇవ్వాల్సిన ఏపీజీఎల్‌ఐ, జీపీఎఫ్ బకాయిల నిధులను ఏపీ ప్రభుత్వం విడుదల చేసింది. బకాయిపడిన నిధుల విడుదలకు సంబంధించి గతంలో జరిగిన జాయింట్ స్టాఫ్ కౌన్సిల్ సమావేశంలో ప్రభుత్వం హామీ ఇచ్చింది. మార్చి 31 నాటికి నిధులు జమ చేస్తామని అప్పట్లో హామీ ఇచ్చింది. ఇచ్చిన హామీ మేరకు ఉద్యోగుల అకౌంట్లలో రూ.1600 కోట్లకు పైగా చెల్లింపులు చేసింది. ప్రభుత్వ ఉద్యోగుల ఖాతాల్లో పెండింగ్ బకాయిలను రెండు రోజులపాటు జమ చేసింది. మరోవైపు దీనిపై.. ఏపీ గవర్నమెంట్ ఎంప్లాయిస్ ఫెడరేషన్ ఛైర్మన్ వెంకట్రామిరెడ్డి ప్రభుత్వానికి కృతజ్ఞతలు తెలిపారు.
మరోవైపు సుమారు నెలరోజుల క్రితం పెండింగ్ సమస్యలను పరిష్కరించాలని ఏపీలో ఉద్యోగసంఘాలు ఆందోళనకు సిద్ధమయ్యాయి. కార్యాచరణ సైతం ప్రకటించాయి. పీఎఫ్, ఏపీజీఎల్‌వో లోన్లు, సరెండర్ లీవ్ ఎన్ క్యాష్‌మెంట్ సహా పెండింగ్ సమస్యలపై ఉద్యోగ సంఘాలు ఉద్యమ కార్యాచరణ సైతం ప్రకటించాయి. ఈ క్రమంలోనే ఛలో విజయవాడకు సైతం పిలుపునివ్వగా.. ప్రభుత్వం తరుఫున మంత్రులు వారితో సమావేశమయ్యారు. ఉద్యోగుల డిమాండ్లపై వారితో చర్చించారు. అనతరం పెండింగ్ బకాయిలపై ఉద్యోగ సంఘాలకు స్పష్టమైన హామీ ఇవ్వటంతో ఉద్యోగ సంఘాలు ఆందోళనలను విరమించుకున్నాయి.
|
|