వదినమ్మ వద్ద 2 కోట్ల అప్పులు.. పవన్ కళ్యాణ్ చేతిలో ఉంది 3 లక్షలే

పవర్ స్టార్ పవన్ కళ్యాణ్ పిఠాపురంలో నామినేషన్ దాఖలు చేశారు. భారీ జనసందోహం మధ్య ర్యాలీగా వెళ్లిన పవన్.. ఆర్వోకు నామినేషన్ పత్రాలు సమర్పించారు. అయితే ఎన్నికల అఫిడవిట్లో పవన్ కళ్యాణ్ ప్రస్తావించిన పలు అంశాలు ప్రస్తుతం చర్చనీయాంశం అయ్యాయి. ఎన్నికల అఫిడవిట్ అంటే.. అభ్యర్థి తనకున్న ఆస్తులు, అప్పులు, కేసుల సహా పూర్తి వివరాలు సమర్పించాల్సి ఉంటుంది. ఈ క్రమంలోనే పవన్ కళ్యాణ్ సైతం తన వద్ద ఎంత ఆస్తి ఉంది, ఎన్ని అప్పులు ఉన్నాయి.. ఎంత వరకూ చదువుకున్నదీ.. ఎన్ని కేసులు ఉన్నాయనే వివరాలు సమర్పించారు. ఇక ఎన్నికల అఫిడవిట్ పరిశీలిస్తే పవన్ కళ్యాణ్ గురించి పలు ఆసక్తికర అంశాలు కనిపిస్తాయి.

పవన్ కళ్యాణ్ తాను నెల్లూరులోని సెయింట్ జోసెఫ్ ఇంగ్లీష్ మీడియం స్కూళ్లో పదో తరగతి పాస్ అయినట్లు అఫిడవిట్లో పేర్కొన్నారు. అలాగే ప్రస్తుతం తనవద్ద 3 లక్షల 15 వేల రూపాయల నగదు మాత్రమే ఉందని.. తన భార్య అన్నా వద్ద 19 వేల 340 రూపాయలు మాత్రమే ఉన్నట్లు పేర్కొన్నారు. అలాగే తన కుటుంబానికి 163 కోట్ల విలువైన ఆస్తులు ఉన్నట్లు వెల్లడించారు, అప్పుల సంగతికి వస్తే తనకు 65 కోట్ల వరకూ అప్పులు ఉన్నట్లు పవన్ కళ్యాణ్ ఎన్నికల అఫిడవిట్లో ప్రస్తావించారు.బ్యాంకులో 17.5 కోట్ల వరకూ రుణాలు ఉన్నాయని.. అలాగే పలువురు వ్యక్తుల నుంచి 46 కోట్లు అప్పు చేసినట్లు పవన్ కళ్యాణ్ ఎన్నికల అఫిడవిట్లో పేర్కొన్నారు.

  సక్తికర విషయం ఏమిటంటే పవన్ కళ్యాణ్ తన వదినమ్మ వద్ద రెండు కోట్లు అప్పు తీసుకున్నారట. ఎన్నికల అఫిడవిట్లో పవన్ కళ్యాణ్ ఈ విషయాన్ని ప్రస్తావించారు.మెగాస్టార్ చిరంజీవి సతీమణి కొణిదెల సురేఖ వద్ద 2 కోట్ల వ్యక్తిగత రుణం తీసుకున్నట్లు అందులో ఉంది. విజయలక్ష్మి వీఆర్ వద్ద 8 కోట్లు. హారిక అండ్ హాసినీ క్రియేషన్స్ వద్ద 6.35 కోట్లు, లీడ్ ఐటీ ఇండియా ప్రైవేట్ లిమిటెడ్ వద్ద 6 కోట్లు, ఎంవీఆర్ ప్రసాద్ వద్ద మూడున్నర కోట్లు అప్పు తీసుకున్నట్లు ఉంది.అలాగే యెర్నేని నవీన్ వద్ద నుంచి ఐదు కోట్ల 50 లక్షలు, ప్రవీణ్ కుమార్ వద్ద 3 కోట్లు, మైత్రీ మూవీమేకర్స్ నుంచి 3 కోట్లు, డీవీవీ ఎంటర్‌టైన్ మెంట్స్ నుంచి పది లక్షలు అప్పు తీసుకున్నట్లు పవన్ కళ్యాణ్ తన ఎన్నికల అఫిడవిట్లో ప్రస్తావించారు.