మాకు న్యాయం చెయ్యండి
Andhra Pradesh Telugu | Suryaa Desk | Published : Sat, May 18, 2024, 03:56 PM
ఓఎన్జీసీ పైప్లైన్ పనులతో నష్టపోయే రైతులకు న్యాయం చేయాలని ఆందోళన చేపట్టారు. వైఎస్పాలెంలో ఓఎన్ జీసీ పనులను గ్రామస్తులు, రైతులు అడ్డుకున్నారు. సీతారాంపురం ఓఎన్ జీసీ రిగ్ నుంచి నరసాపురం పట్టణం టెంపుల్ ల్యాండ్ వరకు గ్యాస్ను తరలించేందుకు పైప్లైన్ పనులు చేపట్టేందుకు ఓఎన్జీసీ అధికారులు శుక్రవారం ప్రయత్నించారు. వైఎస్పాలెం, రుస్తుంబాదా గ్రామస్థులు తమకు న్యాయం చేసిన తరువాతే పనులు చేపట్టాలని బైఠాయించారు. దాదాపు నాలుగు గంటల పాటు ఓఎన్జీసీ, రైతులు, పోలీసుల మధ్య వాగ్వాదం చోటు చేసుకుంది. రెవెన్యూ, ఓఎన్జీసీ అధికారులు కూడా భారీగా పోలీసుల ను మోహరించి పనులు చేపట్టే ప్రయత్నం చేయడంతో ఉదిృక్త పరిస్థితి నెలకొంది. కొంతమంది రైతులను అదుపులోకి తీసుకుని వాహనంపై భీమవరం కలెక్టర్ కార్యాలయానికి తరలించారు. ఇటు రైతుల అందోళన ఉధృతం కావడంతో పనులు నిలుపుదల చేశారు.
|
|