చిత్తూరు జిల్లాలో అరుదైన బంగారు కప్ప.. పలమనేరు అడవిలో గుర్తింపు

భూమి మీద మనకు తెలియని వింతలూ, విశేషాలు ఎన్నో ఉంటాయి. అరుదైన వృక్ష, జంతుజాలానికి నిలయం భూమి. ప్రాంతానికో విశిష్టత, ఆచారం ఉన్నట్టే.. ఒక్కో ప్రాంతంలో ఒక్కో రకమైన జంతువులు ఉంటాయి. ఆ ప్రాంత ఉష్ణోగ్రత, వాతావరణ పరిస్థితులను, మార్పులను తట్టుకుని నిలబడిగలిగే జంతవులు మనుగడ సాగిస్తుంటాయి. ఈ పోరాటంలో కొన్ని జంతువులు కనుమరుగైపోతుంటే.. మరికొన్ని మాత్రం కాలానుగుణంగా మార్పులు చేసుకుంటూ జీవిస్తుంటాయి. అలా కనుమరుగైపోతున్న వాటినే అరుదైనవి అని పిలుస్తుంటారు. తాజాగా చిత్తూరు జిల్లాలో అరుదైన బంగారు కప్ప కనిపించింది. ఎప్పుడో 20 ఏళ్ల క్రితం కనుమరుగైన అరుదైన జాతి కప్పను పరిశోధకులు చిత్తూరు జిల్లాలో గుర్తించారు.

చిత్తూరు జిల్లా పలమనేరులోని కౌండిన్య అటవీ ప్రాంతంలో గౌనితిమ్మేపల్లి గ్రామ సమీపంలోని ఓ కుంటలో బంగారు కప్పను పరిశోధకులు గుర్తించారు. గోల్డెన్ బ్యాక్ట్ ఫ్రాగ్ అని పిలిచే ఈ కప్ప.. వీపుభాగం బంగారు వర్ణంలో మెరుస్తూ ఉంటుంది. అందుకే దీనికి ఆ పేరు వచ్చుంది. ఈ కప్ప శాస్త్రీయ నామం హైలా రానా గ్రాసిలిస్‌. మరోవైపు భారతదేశంలో ఇప్పటి వరకూ 19 రకాల గోల్డెన్ బ్యాక్డ్ ఫ్రాగ్స్ గుర్తించినట్లు శాస్త్రవేత్తలు తెలిపారు,

ఎప్పుడో రెండు శతాబ్దాల క్రితం కనుమరుగైన ఓ అరుదైన జాతి కప్పను పరిశోధకులు తాజాగా గుర్తించారు. శ్రీలంక గోల్డెన్‌ బ్యాక్డ్‌ ఫ్రాగ్‌ (శాస్త్రీయ నామం హైలా రానా గ్రాసిలిస్‌) అని పిలిచే ఈ కప్పను చిత్తూరు జిల్లా పలమనేరు కౌండిన్య అటవీ ప్రాంతం సమీపంలో గౌనితిమ్మేపల్లి వద్ద ఓ కుంటలో గుర్తించారు. జియోలాజికల్‌ సర్వే ఆఫ్‌ ఇండియా, ఆంధ్రప్రదేశ్‌ బయోడైవర్శిటీ బోర్డుకు చెందిన పరిశోధకులు దీన్ని గుర్తించారు. శ్రీలంకలో ఎక్కువగా కనిపించే ఈ కప్ప వీపుపై బంగారు వర్ణం కలిగి, ఎక్కువ భాగం నలుపు రంగుతో ఉంటుంది. భారత ఉపఖండంలో ఇప్పటి వరకు 19 రకాల గోల్డెన్‌ బ్యాక్డ్‌ ఫ్రాగ్స్‌ గుర్తించారని పరిశోధకులు తెలిపారు.ఈ కప్పలు ప్రధానంగా చిత్తడి నేలలు, వ్యవసాయ భూమి, గడ్డిభూములలో కనిపిస్తాయి.