ఊరి చివర ప్రత్యక్షమైన చిరుత పులి పిల్ల.. అక్కడికి ఎలా వచ్చింది
Andhra Pradesh Telugu | Suryaa Desk | Published : Wed, May 22, 2024, 04:53 PM
నంద్యాల జిల్లాలో చిరుత పులి పిల్లల సంచారం కలకలంరేపింది. డోన్ మండలం చనుగొండ్ల దగ్గర కొండలో చిరుత పులి పిల్ల ప్రత్యక్షమైంది. ఓ చిట్టి చిరుత రైతుల కంటపడింది. . వెంటే వారు మొబైల్‌లో చిరుత పిల్ల సంచారాన్ని మొబైల్‌లో రికార్డ్ చేశారు. ఈ వీడియో ప్రస్తుతం వైరల్‌గా మారింది.. చనుగొండ్ల గ్రామానికి పక్కనే కొండ ప్రాంతం ఉండడంతో చిరుత పులి పిల్లను చూసి స్థానికులు భయం, భయంగా గడుపుతున్నారు. ఆ గ్రామంతో పాటుగా చుట్టు పక్కల ప్రాంతాల ప్రజలు చిరుతల సంచారం గురించి తెలిసి ఆందోళన వ్యక్తం చేస్తున్నారు. పొలాలవైపు వెళ్లాలంటేనే భయంతో వణికిపోతున్నారు.
తల్లి చిరుత ఎప్పుడు గ్రామంలోకి వస్తుందనే భయంలో ఉన్నారు స్థానికులు. గతంలో చిరుత పులి వెంకటాపురం సమీపంలోని కొండ గుహల్లో సంచరించేదని.. అక్కడ రాళ్ల మధ్యలో ఉంటూ అటు వైపుగా వెళ్లే పశువులపై దాడి చేసినట్లు స్థానికంగా చర్చ జరుగుతోంది. కొండ ప్రాంతానికి ఆనుకొని గ్రామంలో ఇళ్లు ఉండటంతో చనుగొండ్ల గ్రామ ప్రజలు బిక్కుబిక్కుమంటూ గడుపుతున్నారు. స్థానికులు చిరుత పిల్ల సంచారంపై అటవీశాఖ అధికారులకు సమాచారం ఇచ్చారు. గతంలో కూడా ఈ ప్రాంతంలో చిరుతలు సంచరించినట్లు స్థానికులు చెబుతున్నారు.
|
|