ట్రెండింగ్
శ్రీవారిని దర్శించుకున్న సీఎం చంద్రబాబు కుటుంబం
Andhra Pradesh Telugu | Suryaa Desk | Published : Thu, Jun 13, 2024, 11:55 AM
ఆంధ్రప్రదేశ్ ముఖ్యమంత్రిగా బుధవారం నాలుగోసారి ప్రమాణ స్వీకారం చేసిన చంద్రబాబు ఇవాళ కుటుంబ సమేతంగా తిరుమల శ్రీవారిని దర్శించుకున్నారు.బుధవారం రాత్రి టీటీడీ గెస్ట్ హౌజ్‌కు చేరుకున్న సీఎంకు జేఈవో గౌతమి, ఆలయ అధికారులు ఘన స్వాగతం పలికి దర్శన ఏర్పాట్లు చేశారు. దర్శనానంతరం వేదపండితులు వారిని ఆశీర్వదించి తీర్థ ప్రసాదాలు, స్వామివారి చిత్రపటం అందజేశారు. అనంతరం ఆయన ఆలయ ప్రాంగణంలో కలియతిరిగారు. తిరుమల పెద్ద జీయర్‌ మఠానికి వెళ్లి ఆశీర్వచనం తీసుకున్నారు. చంద్రబాబు వెంట ఆయన సతీమణి భువనేశ్వరి, కుమారుడు లోకేశ్‌, కోడలు బ్రాహ్మణి, మనవడు దేవాంశ్‌ ఉన్నారు. సీఎంను చూసేందుకు వైకుంఠం క్యూ క్లాంపెక్స్‌ వద్దకు టీడీపీ కార్యకర్తలు, నాయకులు భారీగా తరలివచ్చారు.
|
|