ట్రెండింగ్
దొరికిన బ్యాగ్ ని పోలీసులకి అప్పగించిన టిఫిన్‌ సెంటర్‌ యజమాని
Andhra Pradesh Telugu | Suryaa Desk | Published : Fri, Jun 21, 2024, 01:18 PM
దొరికిన బ్యాగును పోలీసులకు అప్పగించి, నిజాయితీని చాటుకున్న టిఫిన్‌ సెంటర్‌ యజమానిని అందరూ అభినందించారు. కృష్ణా జిల్లా, ఉయ్యూరు పట్టణ పోలీసుల వివరాల ప్రకారం పామర్రు మండలం కనుమూరుకు చెందిన జి.మహేశ్‌ గురువారం ఉయ్యూరు వచ్చి వెళుతూ రెండు బంగారు ఉంగరాలు, విలువైన సామగ్రి ఉన్న బ్యాగును ఊరావారి కల్యాణ మండపం దగ్గర పోగొట్టుకున్నారు. ఆప్రాతంలో టిఫిన్‌ సెంటర్‌ నడిపే చావలి శ్రీకాంత్‌కు బ్యాగు దొరికింది. దీంతో బ్యాగును తీసుకువెళ్లి పోలీసు స్టేషన్‌లో శ్రీకాంత్‌ అప్పగించాడు. పోలీసులు బ్యాగును యజమానికి అప్పగించారు. చావలి శ్రీకాంత్‌ను సీఐ హబీబ్‌బాష, ఎస్సై గణేశ్‌ కుమార్‌ తదితరులు అభినందించారు.
|
|