ఆ రికార్డు పవన్ కళ్యాణ్ కి మాత్రమే సాధ్యమైనది
Andhra Pradesh Telugu | Suryaa Desk | Published : Wed, Jun 26, 2024, 06:46 PM
స్పీకర్‌గా ఎన్నికైనందుకు ఓంబిర్లాకు పవన్ కళ్యాణ్ తరపున, జనసేన పార్టీ తరపున బాలశౌరి శుభాకాంక్షలు తెలిపారు. తమ పార్టీతో పాటు 140 కోట్ల ప్రజలు ఓంబిర్లా సమర్థవంతంగా బాధ్యతలు నిర్వర్తించగలరనే పూర్తి విశ్వాసంతో ఉన్నారన్నారు. తాను జనసేన ఎంపీగా గెలవడం ద్వారా ఇక్కడ మాట్లాడగలుగుతున్నానని.. తనకు ఈ అవకాశం కల్పించిన పవన్ కళ్యాణ్‌కు బాలశౌరి ధన్యవాదాలు తెలిపారు. అదే సమయంలో లోక్‌సభ వేదికగా పవన్‌పై ప్రశంసలు కురిపించారు. పవన్ కళ్యాణ్ ఆంధ్రప్రదేశ్‌లో స్టార్ అన్నారు. ఎన్డీయే పక్షాల సమావేశంలో ప్రధాని మోదీ మాట్లాడుతూ.. పవన్ అంటే తుపాన్ అని వర్ణించిన విషయాన్ని బాలశౌరి గుర్తుచేశారు. ఈ ఎన్నికల్లో పవన్ కళ్యాణ్ ఓ చరిత్ర సృష్టించారని తెలిపారు. స్వాతంత్య్ర భారతదేశంలో వంద శాతం స్ట్రైక్ రేట్ సాధించిన ఏకైక పార్టీ జనసేన అన్నారు. పోటీచేసిన అన్ని స్థానాల్లో గెలవడం జనసేన అధినేత పవన్ కళ్యాణ్‌కు మాత్రమే సాధ్యమైందని చెప్పారు. ఆంధ్రప్రదేశ్‌లో 21 అసెంబ్లీ, 2 లోక్‌సభ సీట్లలో పోటీచేసి.. అన్ని స్థానాల్లో విజయం సాధించామన్నారు.
|
|