టీ20 వరల్డ్ కప్ షెడ్యూలు విడుదల

వచ్చే ఏడాది ఆస్ట్రేలియాలో రెండు విడతల్లో నిర్వహించే టీ20 ప్రపంచ కప్ షెడ్యూల్ ను ఐసీసీ ప్రకటించింది. ఆస్ట్రేలియాలో 2020లో పురుషుల, మహిళల ప్రపంచ కప్ టీ20 నిర్వహించనున్నారు. దక్షిణాఫ్రికాతో టీమిండియా తన తొలి మ్యాచ్ ఆడనున్నది. తొలి మ్యాచ్ లోనే టీమిండియా అత్యంత కఠిన జట్టును ఎదుర్కొవాల్సి ఉన్నది. ఇంగ్లాండ్, దక్షిణాప్రికా, అఫ్టనిస్థాన్ జట్లు ఉన్న కఠినమైన గ్రూపు2లో టీమిండియాను చేర్చడం గమనార్హం. ఈ గ్రూపులో మూడు జట్లతో పాటు మరో రెండు రెండు అర్హత సాధించే జట్లు ఉన్నాయి. మహిళల టీమ్ గ్రూపు ఏ లో ఉంది. ఇందులో టీమిండియాతో పాటు ఆస్ట్రేలియా, శ్రీలంక, న్యూజిలాండ్, క్యాలిఫయర్ 1 టీమ్ లు ఉంటాయి.
ఆస్ట్రేలియ దేశంలో తొలిసారిగా పురుషుల, మహిళల టీ20 ప్రపంచ కప్ ను ఒకే దేశంలో నిర్వహిస్తున్నారు. ఆశ్చర్యకరమైన విషయం ఏమంటే రెండు టోర్నీల ఫైనల్ మ్యాచ్ లు మెల్ బోర్న్ స్టేడియంలో నిర్వహిస్తుండడంతో యావత్ క్రికెట్ క్రీడాభిమానులు ఈ దేశం వైపే చూడనున్నారు. మహిళల కప్ లో పది జట్లు 23 మ్యాచ్ లు ఫిబ్రవరి 21 న ప్రారంభమై మార్చి 8 న ముగియనున్నది. పురుషుల ప్రపంచ కప్ అక్టోబర్ 18 నుంచి నవంబర్ 15 వరకు నిర్వహించనున్నారు. ముందు క్యాలిఫయింగ్ మ్యాచ్ ల తరువాత అక్టోబర్ 24న టాప్ ర్యాంక్ టీమ్ పాకిస్థాన్తో ఆస్ట్రేలియతో తలపడుతుంది. డిఫెండింగ్ ఛాంపియన్స్ వెస్టిండీస్ అక్టోబర్ 25న తన తొలి మ్యాచ్ లో న్యూజిలాండ్ తో తలపడబోనున్నది.
టీ20 పురుషుల ప్రపంచ కప్ మ్యాచ్ షెడ్యూలు:
క్వాలిఫయర్స్‌ మ్యాచ్‌లు: అక్టోబర్‌ 18 నుంచి 23 వరకు
గ్రూప్‌ మ్యాచ్‌లు: అక్టోబర్‌ 24-నవంబర్‌ 8
గ్రూప్‌ 1: పాకిస్థాన్‌, ఆస్ట్రేలియా, వెస్టిండీస్‌, న్యూజిలాండ్‌, రెండు అర్హత సాధించిన జట్లు.
గ్రూప్‌ 2: భారత్‌, ఇంగ్లాండ్‌, దక్షిణాఫ్రికా, అఫ్గనిస్థాన్‌, రెండు అర్హత సాధించిన జట్లు
సెమీ ఫైనల్స్‌: నవంబర్‌ 11, 12
ఫైనల్స్‌: నవంబర్‌ 15
టీ20 మహిళల ప్రపంచ కప్ మ్యాచ్ షెడ్యూలు:
గ్రూప్‌ మ్యాచ్‌లు: ఫిబ్రవరి 21-మార్చి 3
గ్రూప్‌ ఏ: ఆస్ట్రేలియా, న్యూజిలాండ్‌, భారత్‌, శ్రీలంక, క్వాలిఫయర్‌ 1
గ్రూప్‌ బి: ఇంగ్లాండ్‌, వెస్టిండీస్‌, దక్షిణాఫ్రికా, పాకిస్థాన్‌, క్వాలిఫయర్‌ 2
సెమీఫైనల్స్‌: మార్చి 5 ఫైనల్‌: మార్చి 8.