ఉద్యోగ ఉపాధి కల్పనే ప్రభుత్వ లక్ష్యం
Andhra Pradesh Telugu | Suryaa Desk | Published : Thu, Aug 08, 2024, 10:26 PM
కుప్పం నియోజకవర్గ అభివృద్ధికోసం ఏయే ప్రభుత్వ శాఖలనుంచి ఏయే పనులు చేపట్టవచ్చు, ఆ పనులు త్వరితగతిన, మరింత నైపుణ్యంగా, మెరుగ్గా, మంచి ఫలితాలు ఇచ్చేలా వినూత్నమైన ఆలోచనలు ఏమిటి, అటువంటి వినూత్న ఆలోచనలు కార్యరూపంలో ఎలా పెట్టొచ్చు వంటి అంశాలు విజన్‌ డాక్యుమెంట్‌లో చోటు చేసుకుంటాయి. మురుగు నీటి కాలువల నిర్మాణంనుంచి కార్గో ఎయిర్‌ పోర్టు దాకా, వ్యవసాయం నుంచి సెజ్‌ (పారిశ్రామికవాడ అభివృద్ధి) దాకా ఇందులో పలు అంశాలు చోటు చేసుకోనున్నాయి. ఆయా అభివృద్ధి పనులకు ప్రతిపాదనలు రూపొందించి ఒక అంచనా బడ్జెట్‌ను కూడా డాక్యుమెంట్‌లో పేర్కొంటారు. ఈ విజన్‌ డాక్యుమెంట్‌ అమల్లోకి వస్తే సంభవించబోయే అభివృద్ధి ఫలాలు ఎలా ఉంటాయో కూడా అంచనా వేస్తారు. కుప్పం నియోజకవర్గంలో జీరో పావర్టీ, తలసరి ఆదాయం పెంపు, ఉద్యోగ ఉపాధి కల్పన, ఆర్థిక స్వావలంబనతోపాటు సకల రంగాల అభివృద్ధి అంతిమంగా విజన్‌ డాక్యుమెంట్‌ లక్ష్యం.
|
|