రేపు నింగిలోకి ఎస్ఎస్ఎల్వీ -డీ 3
Andhra Pradesh Telugu | Suryaa Desk | Published : Thu, Aug 15, 2024, 04:17 PM
షార్ నుంచి ఎస్ఎస్ఎల్వీ -డీ 3 రాకెట్‌‌ను రేపు (శుక్రవారం) ఉదయం 9.17 గంటలకు నింగిలోకి లాంచ్ చేస్తున్నట్టు ఇస్రో చైర్మన్ సోమనాథ్ తెలిపారు. షార్‌లోని మొదటి లాంచ్ ప్యాడ్ నుంచి ప్రయోగం ప్రారంభించినట్లు చెప్పారు. ఈ ప్రయోగం ద్వారా నింగిలోకి ఈఓఎస్ -08 శాటిలైట్ పంపనున్నట్లు వివరించారు. ఈవోఎస్ -08 ఉపగ్రహం భూ పరిశీలన చేస్తుందని స్పష్టం చేశారు. ఎస్ఎస్ఎల్వీ -డీ 3 ప్రయోగ ఏర్పాట్లు పూర్తి చేసినట్లు చెప్పారు. ఇవాళ అర్ధరాత్రి ఎస్ఎస్ఎల్వీ -డీ 3 రాకెట్ ప్రయోగానికి కౌంట్ డౌన్ ప్రారంభమైందని అన్నారు. నవంబర్‌లో గగన్‌యాన్ రాకెట్ ప్రయోగం చేస్తున్నట్లు వివరించారు. ఈ ఏడాదిలో పీఎస్ఎల్వీ రాకెట్ ప్రయోగం ద్వారా ప్రోబ్ శాటిలైట్ నింగిలోకి వెళ్తుందని అన్నారు. నాసా వారి నిస్సార్ ప్రయోగాన్ని వాయిదా వేసినట్లు ఇస్రో చైర్మన్ సోమనాథ్ పేర్కొన్నారు. ఈ ఏడాది నవంబర్‌లో నావిక్ శాట్ ప్రయోగం చేస్తున్నట్లు చెప్పారు. ఈ ఏడాదిలో పీఎస్ఎల్వీ, జీఎస్ఎల్వీ, ఎం కె3, ఎల్వీఎం 3 రాకెట్ ప్రయోగాల ద్వారా నింగిలోకి విభిన్న ఉపగ్రహాలు పంపనున్నట్లు తెలిపారు. ఈ ఏడాది కాలంలో రాడార్ ఇమేజింగ్ శాటిలైట్, జియో ఇమేజింగ్ శాటిలైట్ అదే విధంగా టెక్నాలజీ డెవలప్‌మెంట్ శాటిలైట్, టీడీఎస్ రాకెట్ ప్రయోగాలకు సిద్ధమవుతుందని ఇస్రో చైర్మన్ సోమనాథ్ వెల్లడించారు.
|
|