పాడేరు పెట్రోల్ బంకులో మొబైల్ చోరీ,,,,సీసీ కెమెరాలో రికార్డైన సీన్
Andhra Pradesh Telugu | Suryaa Desk | Published : Tue, Aug 20, 2024, 09:10 PM
అది రద్దీగా ఉండే పెట్రోల్ బంక్ .. వాహనదారులు వచ్చి పెట్రోల్ ఫిల్ చేయించుకుంటున్నారు. ఇంతలో ఓ యువకుడు అక్కడికి వచ్చాడు.. అక్కడ విధుల్లో ఉన్న ఓ మహిళా ఉద్యోగితో మాటలు కలిపాడు. అనుకున్న ప్లాన్ ప్రకారం అంతా సెట్ చేసుకుని.. పని పూర్తి చేసుకుని అక్కడి నుంచి పారిపోయాడు. అయితే ఈ సీన్ మొత్తం అక్కడే ఉన్న సీసీ కెమెరాలో రికార్డైనట్లు గుర్తించలేకపోయాడు. అల్లూరి సీతారామరాజు జిల్లా పాడేరులో ఈ ఘటన జరిగింది.
పాడేరులో ఓ పెట్రోల్ బంక్ ఉంది.. వాహనదారులతో కాస్త రద్దీగానే కనిపిస్తోంది. ఇంతలో ఓ గుర్తుతెలియని యువకుడు పెట్రోల్ బంక్‌లోకి వచ్చాడు.. అక్కడ పంప్ దగ్గర విధుల్లో ఉన్న మహిళ ఉద్యోగితో మాటలు కలిపాడు. తాను అర్జంటుగా ఓ కాల్ చేయాలని ఆమెకు చెప్పాడు.. ఆమె మొబైల్ ఇవ్వడానికి కాస్త ఆలోచించింది. అయితే తర్వాత ఆమెకు సర్ధిచెప్పడంతో ఆమె మొబైల్ అతడికి ఇవ్వగా కాల్ చేస్తున్నట్లు నటించాడు. ఆమె పెట్రోల్ ఫిల్ చేసే పనిలో ఉండగానే.. అక్కడి నుంచి మెల్లిగా జారుకున్నాడు.
ఆమెకు కొద్దిసేపటి తర్వాత మొబైల్ సంగతి గుర్తుకొచ్చింది. అప్పటికే ఆ యువకుడు అక్కడి నుంచి పారిపోయాడు. ఈ సీన్ మొత్తం పెట్రోల్ బంకులో ఉన్న సీసీ కెమెరాలో రికార్డయ్యాయి. ఈ ఫుటేజ్ బయటకు తీస్తే ఈ వ్యవహారం బయటపడింది. పాపం అని కాల్ చేసుకోవడానికి మొబైల్ ఇస్తే.. ఇలా ఎత్తుకెళతాడని తాను అనుకోలేదంటున్నారు మహిళ. పెట్రోల్ బంకులో సీసీ ఫుటేజ్ ఇప్పుడు వైరల్ అవుతోంది.
|
|