గ్రామీణాభివృద్ధిని సూచిస్తూ పవన్ పుట్టినరోజు లోగో
Andhra Pradesh Telugu | Suryaa Desk | Published : Mon, Aug 26, 2024, 10:16 PM
పుట్టినరోజు ముందే పవన్ కళ్యాణ్‌కు అదిరిపోయే గిఫ్ట్‌లు ప్లాన్ చేస్తున్నారు ఫ్యాన్స్. ప్రస్తుతం పవన్ పుట్టినరోజు అయిన సెప్టెంబర్ 2లోగోను ఆయన అభిమానులు తయారుచేశారు. ఇది ప్రస్తుతం సోషల్ మీడియాలో వైరల్ అవుతోంది. పవన్ కళ్యాణ్ నిర్వహిస్తున్న మంత్రిత్వ శాఖలను ఈ లోగో సూచిస్తుంది. ఏనుగు, ఏడ్ల బండి, చెట్లు, నీరు ఇలా అన్ని రకాలను ఈలోగోలో ఉన్నాయి. సెప్టెంబర్ 2లోగో ప్రస్తుతం అందరినీ ఆకర్షిస్తుంది. పంచాయతీరాజ్ శాఖను సూచించేలా రైతు ఏడ్ల బండి తోలుతున్న చిత్రం, గ్రామీణాభివృద్ధిని సూచిస్తూ పల్లె వాతావరణం, అటవీ, పర్యావరణ శాఖకు సూచికగా ఏనుగు, సైన్స్ అండ్ టెక్నాలజీకి గుర్తుగా ఓ చిహ్నం ఈ లోగోలో కనిపిస్తాయి. ప్రత్యేక లోగో తయారుచేయడం అందులోనూ ఆయన మంత్రిత్వశాఖను సూచించేవిధంగా ఉండటం ద్వారా పవన్ కళ్యాణ్‌కు ఆయన అభిమానులు బర్త్‌డేకు ముందే బహుమతిని అందించారంటూ చర్చ జరుగుతోంది.
|
|