ఎమ్మెల్సీ దువ్వాడ శ్రీనివాస్.. మాధురి ఎపిసోడ్‌లో భారీ ట్విస్ట్

వైఎస్ఆర్సీపీ ఎమ్మెల్సీ దువ్వాడ శ్రీనివాస్‌ వ్యవహారం మరో మలుపు తిరిగింది. దువ్వాడ శ్రీనివాస్, దివ్వెల మాధురి వివాదంలో కొత్త కోణం బయటపడింది. గత నెల 11న దివ్వెల మాధురి ప్రయాణిస్తున్న కారు ప్రమాదానికి గురైన విషయం తెలిసిందే. దీనికి దువ్వాడ శ్రీనివాస్‌ భార్య వాణి కారణమని, ఆమె వేధింపులు తట్టుకోలేకే మనస్తాపంతో ఆత్మహత్య చేసుకోవడానికి రోడ్డుపైకి వచ్చానని అప్పట్లో మాధురి వెల్లడించారు. కానీ, ఇదంతా దువ్వాడ శ్రీనివాస్ ఆడించిన డ్రామా అంటూ సోషల్ మీడియాలో ఓ ఆడియో క్లిప్పింగ్ తెగ వైరల్ అవుతోంది.

ప్రమాదం తర్వాత మాధురిని అంబులెన్సులో తరలిస్తుండగా, ఆమెతో ఫోన్‌లో మాట్లాడిన శ్రీనివాస్‌.. తొలుత క్షేమసమాచారం అడిగి తెలుసుకున్నారు. ఆ తర్వాత ‘కావాలనే కారుతో ఢీకొట్టి సూసైడ్‌ చేసుకోవాలనుకున్నాను.. వాణి నాలుగు రోజులుగా చేస్తున్న అరాచకాల వల్లే బలవన్మరణానికి ప్రయత్నించినట్లు మీడియాకు చెప్పు’ అంటూ మాధురికి ఆయన సూచించారు. వైద్యులతో, పోలీసులతో వ్యవహారం తాను చూసుకుంటానని ఆమెకు భరోసా ఇచ్చారు.

దివ్వెల మాధురి: ఏమండీ

దువ్వాడ శ్రీనివాస్: ఎలా ఉంది

మాధురి: పర్లేదు

దువ్వాడ: ఎంత పనిచేశావు? అందుకే నేను వాడ్ని తీసుకెళ్లు అంటే నామాట వినవు

మాధురి: తీసుకెళ్లుంటే వాడికి కూడా ఏదో అయ్యేది.

దువ్వాడ: ఇప్పుడు నీకు ఎలా ఉంది?

మాధురి: తలకు దెబ్బ తగిలింది. నొప్పిగా ఉంది

దువ్వాడ: ఇప్పుడు నిన్ను హాస్పిటల్‌లో ఉంచారా?

మాధురి: 108లో ఉన్నానండీ. పలాసలో..

దువ్వాడ: నీ వెనక హేమాచలం వస్తున్నాడు. దగ్గరకు వచ్చేశాడు.. పద్మను, అవినాశ్‌ను పంపిస్తున్నాను. ఏమీ ఆందోళన వద్దు.. నువ్వు పోలీసులకు ఒకటే చెప్పు. ‘నేను సూసైడ్‌ చేసుకోవాలనే ఇలా చేశా. నాపై దువ్వాడ వాణి చేసినటువంటి అరాచకం, నాలుగు రోజులు నుంచి జరిగిన దాని వల్లనే చనిపోవాలనే ఇలా గుద్దేశా’ అని చెప్పు. అన్నీ నేను చూస్తా.

మాధురి: హా సరే.. నేను మనస్తాపం చెంది కారుతో గుద్ది చచ్చిపోదామని చేశా అని చెబుతా

దువ్వాడ: హా.. అదే వర్డ్‌. కారణం దువ్వాడ వాణి

మాధురి: ప్రెస్‌ను పంపండి. ఇదే చెబుతా

దువ్వాడ: నువ్వు ఎమోషన్ కావొద్దు. చనిపోవాలనే నాకు నేనుగా గుద్దేశానని చెప్పాలి

మాధురి: నేను బాగానే ఉన్నా. అభికి చెప్పి జీహెచ్‌కు పంపిండి. ప్రెస్‌కు చెప్పి ప్రభుత్వం పంపించండి

దువ్వాడ:వాళ్లు నీ దగ్గరకు వస్తున్నారు. నేను మెసేజ్‌ పాస్‌ చేసేస్తున్నా

మాధురి: నేను బాగానే ఉన్నా. కొంచెం లిప్స్‌కు దెబ్బతగిలింది. అవతలి రోడ్డు నుంచి ఇవతలివైపుకి కారు బోల్తా పడి పల్టీ కొట్టింది.. లక్కీగా ఎవరో వచ్చారు. లేకుంటే పెట్రోల్‌ లీకై ప్రమాదం జరిగేది

దువ్వాడ: నువ్వు ఇవన్నీ మాట్లాడకు శ్రీనును తొలగించాలి: వాణి

దువ్వాడ శ్రీనివాస్-మాధురి ఫోన్ కాల్ లీక్.. కేసులో బిగ్ ట్విస్ట్!

కాగా, ఈ ఆడియో సంభాషణ లీక్ కావడంతో దువ్వాడ శ్రీను భార్య దువ్వాడ వాణి మీడియాతో మాట్లాడారు. దువ్వాడ శ్రీనును పార్టీ నుంచి, ఎమ్మెల్సీ పదవి నుంచి తొలగించాలని ఆమె డిమాండ్‌ చేశారు. తన భర్త, ఆయన తల్లి, ఆయన సోదరుడు బాబా తనపై కుట్రకు పాల్పడ్డారని వాణి ఆరోపించారు. ఇటువంటి వ్యక్తుల్ని ఇంకా వైఎస్ఆర్సీపీలో ఉంచడం వల్ల పార్టీకి మరింత నష్టం తప్పదని హెచ్చరించారు. కుట్రల ఆలోచనలతో ఉన్న ఎమ్మెల్సీ శ్రీనుపై తమ పిల్లల భవిష్యత్‌ కోసమే తాను పోరాడుతునాన్నని స్పష్టం చేశారు.