ట్రెండింగ్
ఆదిమూలంపై అత్యాచారం కేసు నమోదు చెయ్యాలి
Andhra Pradesh Telugu | Suryaa Desk | Published : Fri, Sep 06, 2024, 12:32 PM
సత్యవేడు టీడీపీ ఎమ్మెల్యే కోనేటి ఆదిమూలం ప్రవర్తన సభ్యసమాజం సిగ్గుతో తలదించుకునేలా ఉందని వైయస్ఆర్సీపీ అధికార ప్రతినిధి పుత్తా శివశంకర్ మండిపడ్డారు. తనపై ఎమ్మెల్యే ఆదిమూలం అత్యాచారం చేయడంతో పాటు, హత్యాయత్నం చేశారని టీడీపీకే చెందిన ఒక మహిళ ఆరోపణలు చేయడం, ఆ పార్టీకే సిగ్గుచేటని ఆయన స్పష్టం చేశారు. ఎమ్మెల్యేపై ఆరోపిస్తున్న ఆ మహిళ ఏపీలో కాకుండా, పక్క రాష్ట్రంలో మీడియాతో మాట్లాడిందంటే, తను ఎంత భయపడుతుందో అర్ధమవుతోందన్నారు. ఒక ఎమ్మెల్యే అంత దారుణంగా వ్యవహరించడం, బాధితురాలు ఏకంగా పూర్తి సాక్ష్యాధారాలతో మీడియా ముందుకు రావడాన్ని ప్రస్తావించిన శివశంకర్, అసలు ఏపీలో ఇదేనా పాలన? అని నిలదీశారు.
|
|