ఐఫోన్ 16ను రిలీజ్ చేసిన ఆపిల్,,,,ఖరీదు రూ.1.45 లక్షలు

ఆపిల్ సంస్థ ఐఫోన్ 16 సిరీస్‌లో కొత్త ఫోన్లను లాంచ్ చేసింది. ఐఫోన్ 16, ఐఫోన్ 16 ప్లస్, ఐఫోన్ 16 ప్రో, ఐఫోన్ 16 ప్రో మ్యాక్స్ అనే నాలుగు కొత్త మోడళ్లను ఆపిల్ రిలీజ్ చేసింది. విజువల్ ఇంటెలిజెన్స్‌ ఉన్న కెమెరా కంట్రోల్ బటన్ కొత్త ఐఫోన్లలో స్పెషల్ అట్రాక్షన్‌గా నిలుస్తోంది. ఆర్టిఫీషియల్ ఇంటెలిజన్స్‌తోపాటు అనేక కొత్త ఫీచర్లు ఉన్న ఈ కొత్త ఐఫోన్ల కోసం ఆసక్తిగా ఎదురు చూస్తున్నారు. సెప్టెంబర్ 13 నుంచి ఈ ఫోన్లను ప్రీఆర్డర్ చేసుకునే అవకాశం ఉండగా.. 20వ తేదీ నుంచి కొనుగోలు చేయొచ్చు.

మన దగ్గర ఐఫోన్ 16 ప్రారంభ ధర రూ.79,900గా ఉంది. 128 జీబీ వేరియంట్‌కు ఈ ధర నిర్ణయించారు. అదే 256 జీబీ వేరియంట్ అయితే మరో పది వేలు అదనం. 512 జీబీ వేరియంట్ ధర రూ.1,09,900గా ఉంది. ఐఫోన్ 16 ప్లస్ 128 జీబీ వేరియంట్ ధర రూ.89,900 ఉండగా.. ఐఫోన్ 16 ప్రో 128 జీబీ మోడల్ ధర రూ.1,19,900గా ఉంది. ఇక ఐఫోన్ ప్రో మ్యాక్స్ 256 జీబీ ధర రూ.1,44,900గా ఉంది.

ఇంత రేట్లు ఉన్నా సరే.. ఐఫోన్ క్రేజ్ వేరే కాబట్టి.. అవి హాట్ కేకుల్లా అమ్ముడుపోతాయి. అయితే ఇండియాలో కంటే విదేశాల్లో కొంటే ఐఫోన్ల ధర తక్కువగా ఉంటుంది. అందుకే చాలా మంది అమెరికా, దుబాయ్‌లలో ఉండే తమ సన్నిహితులు ఇండియా వచ్చేటప్పుడు ఐఫోన్లు తెప్పించుకుంటుంటారు.

ఇక ఐఫోన్ 16 ప్రో, ఐఫోన్ 16 ప్రో మ్యాక్స్ లాంటి ఖరీదైన ఫోన్లను ఇండియాలో కొనడం కంటే.. మనమే వియత్నాం లాంటి దేశాలకు వెళ్లి కొనుక్కొని రావడం చౌక అని నెటిజన్లు చెబుతున్నారు.

ఐఫోన్ 16 ప్రో ఖరీదు మన దగ్గర రూ.1,19,900 అని చెప్పుకున్నాం కదా. అదే వియత్నాంలో అయితే రూ.98,593కే వస్తుందట. అంటే ఇక్కడి కంటే రూ.21,307 తక్కువ. వియత్నాంకు ఫ్లయిట్ ఛార్జీలు రూ.18 వేలు, వీసా ఛార్జీలు రూ.2 వేలు. సో వియత్నాం వెళ్లినట్టూ ఉంటుంది. అలాగే తక్కువ ధరలో ఫోన్ కూడా కొనుక్కోవచ్చని చెబుతున్నారు.

అదే ఐఫోన్ 16 ప్రో మ్యాక్స్ కొనాలనుకుంటే.. ఇండియాలో దాని ధర రూ.1,44,900. వియత్నాంలో ఆ ఫోన్ ధర రూ.1,18,992 మాత్రమే. అంటే మన దగ్గర కంటే రూ.25,908 తక్కువ. ఫ్లయిట్ ఛార్జీలు రూ.18 వేలు, వీసా ఖరీదు రూ.2 వేలు.. మొత్తం రూ.20 వేలు. ఈ లెక్కన మీరు వియత్నాం వెళ్లి ఐఫోన్ కొనుక్కొని వస్తేనే డబ్బులు ఆదా అవుతాయని చెబుతున్నారు. మన దగ్గరితో పోలిస్తే.. వియత్నాంలో ఫోర్ స్టార్ హోటళ్లలో రూమ్ ఛార్జీలు చాలా తక్కువట.

ఇండియాలో ఐఫోన్ 16 ప్రో మ్యాక్స్ కొనే డబ్బులతోనే దుబాయ్‌ వెళ్లి కొనుక్కొని రావచ్చని కూడా చెబుతున్నారు. దుబాయ్‌లో ఐఫోన్ 16 ప్రో మ్యాక్స్ ఖరీదు రూ.1,16,550. దుబాయ్ వెళ్లి రావడానికి ఛార్జీలు రూ.20 వేలు, వీసాకు రూ.8 వేలు అవుతుందని చెబుతున్నారు. ఫ్లయిట్ ఛార్జీల్లో తేడాలు ఉండొచ్చు మరి.

ఇంకొందరైతే.. దుబాయ్ వెళ్లి రెండు ఫోన్లు కొనుక్కొని వచ్చి.. ఒకటి 10 శాతం డిస్కౌంట్‌తో అమ్మేసినా.. మనకు రూ.10 వేలకుపైగా మిగులుతాయని.. ఇది మంచి బిజినెస్ ఐడియా, ప్రాక్టికల్‌గా కూడా సాధ్యమే అని చెబుతున్నారు. వియత్నాం, దుబాయ్ కంటే మలేసియా రాజధాని కౌలాంలపూర్ వెళ్లి ఐఫోన్ కొనుక్కోని వస్తే డబ్బులు ఇంకా ఆదా చేసుకోవచ్చని కూడా నెటిజన్లు చెబుతున్నారు. ఇండియా నుంచి కౌలాలంపూర్‌కు ఫ్లయిట్ ఛార్జీలు కూడా తక్కువగా ఉంటాయని చెబుతున్నారు.

ఈ పోస్టులు చేసిన కొందరు.. విదేశాల్లో ఐఫోన్ కొని ఇండియాకు తెచ్చుకుంటాం సరే.. ఒకవేళ ఫోన్ పాడైపోతే వారంటీ ఉంటుందా అని ప్రశ్నిస్తున్నారు. ఐఫోన్లకు ఇంటర్నేషనల్ వారంటీ ఉంటుంది కాబట్టి.. ఎక్కడ కొనుగోలు చేసినా సమస్య ఉండదని నెటిజన్లు చెబుతున్నారు. అంతే కాదు.. ఇండియాలో నుంచి ప్రీఆర్డర్ చేసినా.. విదేశాల్లోనూ కొనుగోలు చేయొచ్చని కొందరు చెబుతున్నారు. కొందరు మాత్రం ఇండియాలో ఐఫోన్‌ను కొంటేనే బెటర్ అని.. జీరో పర్సెంట్ ఈఎంఐ, క్రెడిట్ కార్డ్ క్యాష్ బ్యాక్ లాంటి ఆఫర్లు వస్తాయని చెబుతున్నారు. ఇంతకూ ఇండియాలో ఇంత కాస్ట్ ఎందుకు అని అనుకుంటున్నారా..? మన దగ్గర ఖరీదైన ఫోన్ల మీద పన్నులు ఎక్కువ