ట్రెండింగ్
ఏలేరు ఆధునీకరణపై గత ప్రభుత్వాలు పట్టించుకోలేదు
Andhra Pradesh Telugu | Suryaa Desk | Published : Fri, Sep 13, 2024, 01:02 PM
కాకినాడ జిల్లా పెద్దాపురంలోని వరద ప్రభావిత ప్రాంతాల్లో గురువారం షర్మిల పర్యటించారు. ఈ సందర్భంగా ఆమె మాట్లాడుతూ.. ఏలేరు ఆధునీకరణపై గత ప్రభుత్వాలు దృష్టి సారించలేదని, ఆ నిర్లక్ష్యమే ఏలేరు వరద రైతులను నిండా ముంచిందని ఆవేదన వ్యక్తం చేశారు. వైఎస్సార్‌ హయాంలో రూ.135 కోట్లు సైతం విడుదల చేసి ఏలేరు ఆధునీకరణ పనులు ప్రారంభించారని గుర్తుచేశారు. జగన్‌ హయాంలో డ్యామ్‌లు కొట్టుకుపోతున్నా పట్టించుకోలేదని విమర్శించారు. జగన్‌ గతంలో రూ.4వేలు పరిహారం ఇచ్చి రైతులను మోసగించారని, అదే మోసం మళ్లీ చంద్రబాబు చేయవద్దని కోరారు. రాష్ట్రంలో 6లక్షల ఎకరాల్లో పంట నష్టం జరిగిందని చెప్పారు. ఇప్పటికైనా తక్షణమే ఏలేరు ఆధునీకరణ పనులు మొదలుపెట్టాలని షర్మిల డిమాండ్‌ చేశారు.
|
|